Հինգշաբթի առավոտյան ոսկու գինը մի փոքր նվազում է, ընդ որում՝ չորեքշաբթի թանկարժեք մետաղը թանկացել էր 2 տոկոսով ԱՄՆ-ում գնաճի անսպասելի արագացման ֆոնին, վկայում են աճուրդների տվյալները եւ վերլուծաբանների մեկնաբանությունները։

Ոսկու դեկտեմբերյան ֆյուչերսի գինը Նյու Յորքի Comex բորսայում նվազել է 0,16 տոկոսով կամ 2,95 դոլարով՝ մեկ տրոյական ունցիան՝ 1791,75 դոլար, չորեքշաբթի մետաղը թանկացել էր 2 տոկոսով։ Արծաթի դեկտեմբերյան ֆյուչերսը էժանացել է 0,62 տոկոսով՝ մեկ ունցիան 23,027 դոլար։