Apple Ամերիկյան տեխնոլոգիական հսկա կասկածվում է չինական Xiaomi ընկերության աշխատանքի կրկնօրինակման մեջ: Ինչպես հաղորդում է Mydrivers-ը, օգտատերերը ցայտուն նմանություններ են գտել սմարթֆոնների շուկայում մրցակիցների պաստառների միջեւ:
Apple-ից MacBook Pro-ի շնորհանդեսին հրավերն ակտիվորեն քննարկվում է չինական Weibo սոցցանցում, որը նման է Twitter-ին: Շատերը նշում են, որ պաստառը շատ նման է Xiaomi Mi Mix 2s-ի անոնսին:
Ոմանք Apple-ին ուղիղ կերպով մեղադրում են կրկնօրինակման մեջ՝ կողք կողքի համեմատելով երկու պաստառները: Xiaomi-ն այդ հրավերն օգտագործել է երեքուկես տարի առաջ:
Տեսողականորեն հրավերները նման են. երկնքում հրավառության նման պատկեր են օգտագործում: Սակայն դիզայնով եւ գույնով աշխատանքները ճշգրիտ պատճեններ չեն:
Հոկտեմբերի 12-ի երեկոյան Apple-ը հրապարակեց նոր աշնանային մամուլի ասուլիսի հրավիրը: Շնորհանդեսը տեղի կունենա հոկտեմբերի 18 -ին:
