Լիբանանյան LBC հեռուստաալիքը հայտնում է մեկ զոհի եւ ութ վիրավորի մասին Բեյրութի Թայունի շրջանում ցուցարարների ուղղությամբ արձակված կրակոցների հետեւանքով, հայտնում է «ՌԻԱ Նովոստի»-ն:
«Թայունի շրջանում տեղի ունեցած հրաձգության հետեւանքով մեկ մարդ է զոհվել, ութ մարդ վիրավորվել է»,- հայտնում է հեռուստաալիքը:
Բանակը փորձում է բացահայտել եւ չեզոքացնել կրակի աղբյուրները:
Հինգշաբթի առավոտյան շիական կուսակցությունների կողմնակիցները սկսել էին հավաքվել՝ Թայունիում նախատեսված զանգվածային ցույցին մասնակցելու համար, որի պահանջն է հեռացնել Բեյրութի նավահանգստում 2020 թվականի տեղի ունեցած պայթյունի գործով գլխավոր դատավոր Թարեք Բիթարին:
