Ռուսաստանի նախագահ Վլադիմիր Պուտինը կարծում է, որ ԵԱՏՄ անդամ երկրների դեմ պատժամիջոցներն օգտագործվում են ոչ միայն տնտեսական նպատակներով, այլեւ՝ օրինական կառավարությունների խաթարման համար:
Հինգշաբթի ելույթ ունենալով Եվրասիական տնտեսական միության (ԵԱՏՄ) գագաթնաժողովում՝ Ռուսաստանի պետության ղեկավարը նշել է առեւտրատնտեսական հարաբերությունների աճը ասոցիացիայի շրջանակներում եւ այլ երկրների հետ, փոխանցում է ՏԱՍՍ -ը:
«Ընդ որում, նման ցուցանիշների հաջողվել է հասնել՝ չնայած նրան, որ ԵԱՏՄ անդամ որոշ երկրներ ոչ լեգիտիմ պատժամիջոցների են ենթարկվում են որոշ երկրների կողմից»,- ասել է Պուտինը:
Նրա կարծիքով՝ «որեւէ մեկի համար գաղտնիք չէ, որ այդ պատժամիջոցները ոչ միայն որպես անբարեխիղճ մրցակցության գործիք են օգտագործվում, այլեւ՝ որպես սոցիալական, տնտեսական եւ քաղաքական խնդիրներ ստեղծելու կամ առկա խնդիրները սրելու միջոցով օրինական կառավարություններին խաթարելու միջոց ցանկացած երկրում»:
Ներկայումս մի շարք արեւմտյան երկրների եւ դրանց դաշնակիցների կողմից տարբեր սահմանափակումներ են կիրառվել Ռուսաստանի եւ Բելառուսի դեմ: ԵԱՏՄ երկրները ներառում են նաեւ Հայաստանը, ազախստանը եւ Ղրղզստանը: