Ռուսաստանն այն պայմաններում, որում մենք բոլորս հայտնվել էինք անցյալ տարվա աշնանը Ղարաբաղի պատերազմի ժամանակ, արեց առավելագույնը: Ես գիտեմ, թե ինչպես են որոշումներ կայացվել: Այս մասին հայտարարել է Ռուսաստանի Գիտությունների ակադեմիայի Ե.Մ. Պրիմակովի անվան Համաշխարհային տնտեսության եւ միջազգային հարաբերությունների ինստիտուտի (ՀՏՄՀԻ) տնօրեն, ակադեմիկոս Ֆյոդոր Վոյտոլովսկին:
«Ինչու՞ էր դա այդպիսի առավելագույն: Այստեղ մենք պետք է շատ բան բացատրենք՝ կապված այն սահմանափակումների հետ, որոնք Մոսկվան ուներ գործողությունների իրականացման համար, եւ այն գործոնների հետ, որոնք կապված են նախորդ ժամանակահատվածում Ռուսաստանի եւ Հայաստանի միջեւ արձանագրված փոխազդեցության անբավարար մակարդակի հետ»,- ասել է նա:
Ընդհանուր առմամբ, աշնանային պատերազմի արդյունքում առաջացած կոորդինատների համակարգը, ըստ ակադեմիկոսի, շատ տարբեր է ամբողջ հետխորհրդային ժամանակաշրջանից:
«Մենք միջազգային հարաբերությունների նոր շրջան ենք մտել ոչ միայն Անդրկովկասում, այլ ամբողջ հետխորհրդային տարածքում: Այն սառեցված հակամարտությունները, որոնք զարգացել են հետխորհրդային տարածքում, կարող են նոր զարգացումներ ունենալ: Ղարաբաղյան հակամարտության եւ հետխորհրդային տարածքի այլ հակամարտությունների միջեւ տարբերությունն այն էր, որ Արեւմուտքի եւ Ռուսաստանի միջեւ ուղղակի առճակատում չկար»,- ասել է Վոյտոլովսկին: