Pine64 թիմը ազդարարել է PinePhone Pro սմարթֆոնի՝ իր նոր սարքի մասին, որը գործում է Linux միջուկով օպերացիոն համակարգի կառավարմամբ: Նշվում է, որ սարքը ստեղծելիս հաշվի են առնվել օրիգինալ PinePhone մոդելի օգտվողների արձագանքներն ու ցանկությունները, հայտնում է 3dnews.ru-ն՝ հղում անելով tomshardware.com-ին:
Նորույթի հիմքում ընկած է վեց միջուկի Rockchip RK3399S պրոցեսորը, որն աշխատում է մինչեւ 1,5 ԳՀց հաճախականությամբ: Չիպը ներառում է Arm Mali T860 գրաֆիկական արագացուցիչ: Օպերատիվ հիշողության ծավալը 4 ԳԲ է, eMMC է, ֆլեշ կուտակիչի հզորությունը՝ 128 ԳԲ (ընդլայնվում է microSD քարտի հաշվին):
Սմարթֆոնը ստացել է 6 դյույմանոց HD+ էկրան՝ 1440×720 պիքսել թողտվությամբ: Վնասներից պաշտպանությունը ապահովում է Gorilla Glass 4 ապակին։ Առջեւի տեսախցիկը պատրաստված է 5 մեգապիքսելանոց OmniVision OV5640 սենսորի հիման վրա: Հետեւում տեղադրված է մեկ տեսախցիկ՝ 13MP Sony IMX258 մեգապիքսելանոց սենսորով:
Սարքավորումը ներառում է Wi-Fi 802.11ac եւ Bluetooth 4,1 ադապտրներ, GPS/GLONASS ընդունիչ, ականջակալների ստանդարտ վարդակ եւ USB Type-C պորտ: Չափերը կազմում են 160,8×76,6×11,1 մմ, քաշը` 215 գ: Տեղադրված է 3000 մԱ/ժ հզորությամբ վերալիցքավորվող մարտկոց:
Սարքն օգտագործում է KDE Plasma Mobile-ով Manjaro Linux օպերացիոն համակարգ: Գինը 399 ԱՄՆ դոլար է:
