Մեծ Բրիտանիայի եւ Իռլանդիայի հետազոտողները հաստատել են դավադրության տեսությունների ամենամռայլ ենթադրությունները՝ սմարթֆոնները, որոնք հիմնված են Android օպերացիոն համակարգի վրա, մշտապես հավաքում են սեփականատերերի անձնական տվյալները եւ կուտակված տեղեկատվությունը փոխանցում են տեխնոլոգիական ընկերություններին, գրում է Gizmodo պորտալը:
Xiaomi-ի, Huawei-ի եւ Samsung-ի Android-ով սմարթֆոնները մշտապես հետեւում են իրենց տերերին: Այսպիսի եզրակացության են եկել Trinity College-ի հետազոտողները եւ այլ գիտական հաստատություններից նրանց համահեղինակները: Հավաքված մասնավոր տվյալները կարող են փոխանցվել սարքերի արտադրողներին, բայց՝ ոչ միշտ, երբեմն դրանք հայտնվում են երրորդ ձեռքերում:
Կարելի է ենթադրել, որ առաջադեմ օգտվողները կարող են կանխել վերահսկողությունը, բայց ոչ, իրականում չեն կարող, քանի որ անձնական տվյալները հավաքվում են համակարգային հավելվածների կողմից, որոնց վրա օգտվողը չի կարող ազդել: Սա, օրինակ, տեսախցիկի հավելված է կամ կարճ տեքստային հաղորդագրություններ ուղարկելու ծրագիր:
Samsung-ի սմարթֆոններն, օրինակ, Samsung Pass-ից տվյալներ են ուղարկում Google Analytics-ին: Xiaomi-ի սմարթֆոնները նույնպես տվյալները կիսում են Google-ի ծառայությունների հետ: Huawei-ն իր հերթին տվյալների արտահոսք է անում Microsoft-ից: Տվյալները հավաքվում են նույնիսկ այն հավելվածների կողմից, որոնք սարքի սեփականատերն ընդհանրապես չի օգտագործում: Նման հսկողությունից պաշտպանվելու միայն մեկ միջոց կա՝ ընդհանրապես սմարթֆոններ չօգտագործել: