ՀԱՊԿ զորավարժություններ են մեկնարկել Տաջիկստանի հարավում, փոխանցում է ՌԻԱ Նովոստին՝ հղում անելով Տաջիկստանի պաշտպանության նախարարության մամուլի կենտրոնի ղեկավար, գնդապետ Ֆարիդուն Մախմալիզոդին:
Նա նշել է, որ հոկտեմբերի 18-ից 23-ը Տաջիկստանի զինված ուժերի «Մոմիրակ» եւ «Հարբմայդոն» զորավարժարաններում «Մարտական եղբայրություն-2021» համատեղ օպերատիվ-ռազմավարական զորավարժությունների շրջանակում «Էշելոն-2021» հատուկ վարժանքներ , «Որոնում-2021» -ը եւ համատեղ «Փոխազդեցություն -2021» զորավարժություններ տեղի կունենան։
Աֆղանատաջիկական սահմանի մոտ վարժանքները կանցկացվեն Հայաստանի, Բելառուսի, Ղազախստանի, Ղրղզստանի, Ռուսաստանի եւ Տաջիկստանի զինծառայողների մասնակցությամբ: Զորավարժությունների շրջանակում ՀԱՊԿ հավաքական ուժերի խումբը կմշակի սահմանային զինված հակամարտության տեղայնացման համատեղ գործողության նախապատրաստման եւ անցկացման խնդիրները ՝ կապված միջազգային ահաբեկչական կազմակերպությունների մարտիկների կողմից Տաջիկստանի տարածք ներթափանցելու փորձերի հետ:
Զորավարժությունները կղեկավարեն Տաջիկստանի զինված ուժերի գլխավոր շտաբի պետ, գեներալ-լեյտենանտ Էմոմալի Սոբիրզոդան եւ ՀԱՊԿ միացյալ շտաբի պետ, գեներալ-գնդապետ Անատոլի Սիդորովը:
