News
Լրահոս
News
Չորեքշաբթի
Դեկտեմբեր 08
Տեսնել լրահոսը

Բոլիվիայի նախագահ Լուիս Արսեն հայտարարել է, որ չի փախչի վտանգից եւ վախ չի զգացել, երբ հայտնի դարձավ 2020 թվականին իր դեմ մահափորձի նախապատրաստման մասին:

«Մենք երբեք չենք փախնի վտանգից, քանի որ ոչ մաքուր խիղճը շատ ավելի սարսափելի է, քան թշնամին, որը մեզ ոչնչացնելու միջոց է փնտրում, այդ թվում՝ ֆիզիկապես: Մենք չենք վախենում»,- գրել է պետության ղեկավարը Twitter-ում:

Երկուշաբթի Բոլիվիայի ներքին գործերի նախարարությունը հայտարարել էր, որ Արսեի հակառակորդները նախապատրաստում են նրա մահափորձը վարձկանների մասնակցությամբ, որոնք ավելի ուշ ձերբակալվեցին Հայիթիի նախագահ Ժովնել Մոիզի սպանության կասկածանքով, փոխանցում է ՏԱՍՍ-ը:

2019-ի նոյեմբերին Բոլիվիայի նախկին նախագահ Էվո Մորալեսը հրաժարական տվեց՝ իր վերընտրության դեմ բողոքի ակցիաների ֆոնին, որոնց աջակցում էին զինվորականները: Ժանին Ագնեսը, ով այդ ժամանակ Սենատորների պալատի երկրորդ փոխխոսնակն էր, հայտարարեց, որ կզբաղեցնի պետության ղեկավարի պաշտոնը մինչեւ նոր ընտրությունների անցկացումը, եւ նշանակեց իր կաբինետը: 2020 թվականի հոկտեմբերին երկրում նոր քվեարկություն անցկացվեց, որից հետո նախագահ դարձավ Մորալեսի գործընկեր Լուիս Արսեն:

Հուլիսի 7-ին Հաիթիի նախագահ Ժովնել Մոիզը մահացու վիրավորվեց պետության ղեկավարի նստավայրի վրա հարձակման ժամանակ, նրա կինը եւս հրազենի վասվածքներ էր ստացել: Ավելի ուշ իշխանությունները հայտարարեցին, որ հանցավոր խմբում ընդգրկված է Կոլումբիայի 26 քաղաքացի, որոնցից մի քանիսն արդեն ձերբակալված են: Ընդհանուր առմամբ, սպանության գործով բերման է ենթարկվել ավելի քան 40 մարդ: Նախագահը հուղարկավորվեց հուլիսի 23 -ին հանրապետության հյուսիսում գտնվող Կապ-Աիթիեն քաղաքում: 

 

!
Այս նյութը հասանելի է նաև   Русский
Տպել
Ամենաշատ