News
Լրահոս
News
Հինգշաբթի
Դեկտեմբեր 02
Տեսնել լրահոսը


Որպեսզի մենք խոսենք սահմանների մասին, նախեւառաջ պետք է լիարժեք հետազոտենք սահմանների հետ կապված իրավական ամբողջ բազան: Այս մասին այսօր՝ հոկտեմբերի 19-ին, լրագրողների հետ զրույցում նշեց ՀՀ փոխվարչապետ Մհեր Գրիգորյանը:

«Ընդ որում, իրավական այն բազան, որտեղ կա երկու երկրների համաձայնությունը, ստորագրությունը, կամ միացում ինչ-որ փաստաթղթի:

Դրանից հետո նոր հնարավոր կլինի խոսել քարտեզների մասին: Որովհետեւ քարտեզն ինքուրույն ընդամենը սխեմա է: Քարտեզի տակ պետք է լինի իրավական հիմք: Հիմա այդ իրավական հիմքերի վրա մենք աշխատում ենք, հետազոտում ենք, հավաքագրում ենք, եւ վերլուծելուց հետո նոր հնարավոր կլինի խոսել քարտեզների մասին, որոնց հիման վրա ինչ-որ գործընթացներ իրականացնելու նպատակով»,-ասաց նա:

Հիշեցմանը, որ Հայաստանը բազմիցս հայտարարել է, որ եթե ադրբեջանական զորքերը հետ չքաշվեն, դժվար կլինի խոսել սահմանազատման ու սահմանագծման մասին, նա արձագանքեց. «Դա այլ հարց է, իհարկե մենք ունենք խնդիրներ, որոնք գործընթացները բավականին բարդացնում են, որովհետեւ առանձին վերցրած գործընթացները, այո, որոշակի տրամաբանություն կարող է ունենան, բայց ընդհանուր ֆոնն, իհարկե, պետք է լինի շատ ավելի բարենպաստ, այդ թվում գերիների մասով»:

Հարցին, թե կոնկրետ ո՞ր ուղիների ապաշրջափակման մասին է խոսքը բանակցություններում, Մհեր Գրիգորյանը պատասխանեց. «Կոնկրետացված տարբերակներ չկան, երկաթգծի հետ կապված խնդիրը մի քիչ ավելի պարզ է, որովհետեւ վերականգնողական տրամաբանության մեջ է լինելու: Այսինքն այն գծերը, որոնք եղել են ԽՍՀՄ ժամանակ, դրանց վերականգմնա մասին է խոսքը: Բոլոր հնարավոր տարբերակները քննարկվում են»:

Լրագրողներին հետաքրքրում էր նաեւ, թե արդյոք եռակողմ այդ բանակցություններում Թուրքիայի եւ Իրանի կարծիքը հաշվի առնվում է. «Եթե մենք խոսում ենք ապաշրջափակման մասին եւ եթե հավատում ենք այդ գաղափարին, բնականաբար, դա տարածաշրջանային նշանակություն ունեցող երեւույթ է եւ մեր երկրի համար դա շատ կարեւոր է: Որովհետեւ տարածաշրջանային դերակատարությունը խաղաղության հիմնական երաշխիքն է, կամ երաշխիքներից մեկը: Այդ իմաստով տարածաշրջանային էֆեկտներ կան եւ, իհարկե, այլ երկրներ՝ Վրաստան, Իրան, առնչություն կունենան հետեւանքների հետ, եթե մեզ հաջողվի ինչ-որ համաձայնությունների գալ: Բայց եռակողմ հարթակում քննարկումներին ներգրավելու մասով ոչ, չկա նման ոչ ձեւաչափ, ոչ պայմանավորվածություն, ոչ էլ փաստ»,-ասաց փոխվարչապետը:

Նա եւս մեկ անգամ հայտարարեց, որ միջանցքի տրամադրման հարց չի քննարկվում եւ չի քննարկվելու:

Հարցին, թե այդ դեպքում ինչու են Ադրբեջանն ու Թուրքիան օրուգիշեր դրա մասին խոսում, փոխվարչապետը նշեց. «Ավելի լավ է լսեք այն, ինչը ես եմ ձեզ ասում»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Գոնե փոխգնդապետ Հայրապետյանը ողջ է եւ մեր հարցերին կպատասխանի. հրետանավոր Արթուրի հայր
Առաջին անգամ որ մտանք կրակային դիրք, չգտանք մեր տղաներին, մարմինների հետքերը երեւում էին, բայց մարմինները…
Հասցեական կոչերն ու կոնկրետ գործողությունները կենսական նշանակություն ունեն․ Հունաստանում ՀՀ նորանշանակ դեսպանի հոդվածը
«Ադրբեջանի հռետորաբանությունը և գործողությունները գոյաբանական սպառնալիք են»․․․
«Ցորի» զորամասի 11 զինվորներին հուղարկավորել էին իրենց տեղանքից մի քանի կմ հեռավորության վրա. զոհվածի հարազատ
Սովորում էր բժշկականում, երբ մամայի հետ խոսում էր…
Երեւանում վերջին հրաժեշտն են տալիս ավելի քան 1 տարի առաջ Արցախում զոհված հրետանավոր Հայկ Մելիքյանին
Ղարաբաղյան երրորդ պատերազմի ավարտից մեկ տարի մեկ ամիս անց՝ այսօր՝ դեկտեմբերի 2-ին, Երևանի Սուրբ Աննա եկեղեցում հարազատները…
Սուրբ Գրիգոր Լուսավորիչ եկեղեցում «Ցորի» զորամասի 9 զինծառայողների հոգեհանգստի արարողությունն է (ուղիղ)
Շուրջ մեկ տարի եւ երեք ամիս անհետ կորած…
ԱՄՆ-ն հույս ունի համագործակցել Ռուսաստանի հետ Երեւանի եւ Բաքվի միջեւ հակամարտության կարգավորման հարցում
«Հուսով եմ, որ այս հարցում մենք բոլորս կարող ենք աշխատել միասին, այդ թվում՝ Ռուսաստանը...
Ամենաշատ