News
Լրահոս
News
Ուրբաթ
Դեկտեմբեր 03
Տեսնել լրահոսը

ՀՀ երկրորդ նախագահ Ռոբերտ Քոչարյանի եւ նախկին փոխվարչապետ, պատգամավոր Արմեն Գեւորգյանի գործով նիստը հետաձգվեց: Պատճառը Գեւորգյանի պաշտպան Լուսինե Սահակյանի բացակայությունն էր:

Փաստաբանի բացակայության պատճառով դատավոր Աննա Դանիբեկյանն ընդմիջում հայտարարեց՝ պատճառները պարզելու համար: Ընդմիջումից հետո դատավորը հայտնեց, որ ապարատի աշխատակիցները հեռախոսով զրուցել են Լուսինե Սահակյանի հետ: Նա հայտնել է, որ հաղորդագրություն է ուղարկել դատարանի էլ. Փոստին: Այն ստացվել է նիստի մեկնարկից հետո: Փաստաբանը դատարանին ասաց, որ ծանոթանում է գործի նյութերին, որ դատարանը նյութերն ամբողջությամբ չի տրամադրում: Հաշվի առնելով գործի ծավալը եւ այն, որ իրեն չեն տրամադրվել բոլոր նյութերը, ինչպես նաեւ փաստաբան Ռուբեն Սահակյանի մահը՝ Լուսինե Սահակյանը խնդրում է հետաձգել նիստը:

Դատավորը հստակեցրեց, թե ժամը քանիսին է հոգեհանգիստը: Փաստաբաններն ասացին, որ ժամը 18-ին: «Հավանաբար, բոլորդ կմասնակցեք, եւ այդ հանգամանքը չի խանգարել ներկա լինել նիստին»,- պարզաբանեց դատավորը:

Դատախազ Գեւորգ Բաղդասարյանը մեկնաբանեց Լուսինե Սահակյանի հաղորդագրության առաջին հատվածը՝ հայտարարելով, որ դա բավարար է բացակայության պատճառների մասին եզրակացություն անելու համար: Ժամը, երբ ստացվել է հաղորդագրությունը, ըստ դատախազի, նույնպես շատ բան է ասում:

Արմեն Գեւորգյանը հայտնեց, որ նույնպես խոսել է փաստաբանի հետ: Սահակյանն ասել է, որ հաղորդագրությունն ուղարկել է փոստով, եւ այն չի հասել, ինչի պատճառով ստիպված է եղել դատարանից այլ էլ. հասցե խնդրել, եւ արդեն երկրորդ անգամ հաղորդագրությունն արագ հասել է: Այսինքն, հաղորդագրությունը ժամանակին է ուղարկվել, եւ, ինչպես արդեն նշվել է, դատարանի փոստային հասցեի հետ կապված խնդիրներ կան: Նա նաեւ հավելել է, որ փաստաբանը սերտ հարաբերությունների մեջ է մահացածի ընտանիքի հետ:

Դատավորը նշեց, որ մինչ Լուսինե Սահակյանի նկատմամբ պատժամիջոցների հարցը քննելը դատարանը կլսի նրա բացատրությունները: Հաջորդ նիստը տեղի կունենա հոկտեմբերի 26-ին ժամը 13:00-ին:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Փաստաբան. պետությունը պետք է փոխհատուցի Ռոբերտ Քոչարյանի ապօրինի ձերբակալության համար
«Քանի որ դատարանները միշտ շեշտել են, որ կալանքը պայմանավորված է 300.1 հոդվածով․․․
Վերաքննիչ քրեական դատարանը ՍԴ չի դիմելու․ դատարանը կողմերի միջնորդությունները մերժեց
Դատարանը նաեւ մերժեց ՀՀ երկրորդ նախագահ Ռոբերտ Քոչարյանի պաշտպանների եւ տուժող…
Ռոբերտ Քոչարյանի եւ Արմեն Գեւորգյանի գործով դատական նիստը հետաձգվել է մոտ մեկ ամսով
Այսօրվա նիստը, ինչպես եւ նախորդ մի քանի նիստերը, չկայացավ...
Այսօր կկայանա Ռոբերտ Քոչարյանի եւ Արմեն Գևորգյանի գործով դատական նիստը
Նախորդ մի քանի նիստերը տարբեր պատճառներով հետաձգվել էին...
Աննա Դանիբեկյանի «այլ տարածքը» Արցա՞խն է. «Այլընտրանքային նախագծեր խումբ»
Երեկ դատավորին էին դիմել ՀՀ երկրորդ նախագահ Ռոբեր Քոչարյանն ու ՀՀ ԱԺ Տարածաշրջանային և Եվրասիական ինտեգրման հարցերի հանձնաժողովի նախագահ…
Ռոբերտ Քոչարյանի եւ Արմեն Գեւորգյանի գործով դատական նիստը հետաձգվել է մեկ շաբաթով
ՀՀ երկրորդ նախագահի պաշտպաններն ավելի վաղ դիմել են դատարանին եւ հայտնել, որ Ռոբերտ Քոչարյանը կմասնակցի․․․ կ շաբաթով։
Ամենաշատ