News
Լրահոս
News
Ուրբաթ
Հունիս 21
Տեսնել լրահոսը

Հունաստանը պարտավորվել է Եգիպտոսը կապել Եվրամիության էներգետիկ շուկային ստորջրյա մալուխով, որը էլեկտրաէներգիա կհասցնի Միջերկրական ծովով, հաղորդում է AP-ն:

«Հունաստանը Եգիպտոսը Եվրոպայի հետ կապող օղակը կլինի,- ասել է Հունաստանի վարչապետ Կիրյակոս Միցոտակիսը Եգիպտոսի նախագահ Աբդել-Ֆաթահ աս-Սիսիի հետ Աթենքում կայացած բանակցություններից հետո:- Մենք ձգտում ենք դիվերսիֆիկացնել մեր էներգիայի աղբյուրները, եւ Եգիպտոսը կարող է նաեւ հիմնականում արեւից ստացվող էլեկտրաէներգիայի մատակարար դառնալ»:

Հայտարարությունը հնչեցվել է համաշխարհային էներգետիկ ճգնաժամի ժամանակ, որը բարձրացրեց բնական գազի, նավթի եւ այլ վառելիքի գները:

Միցոտակիսը հայտարարել է, որ նախագիծը «կամուրջ կլինի Եգիպտոսի եւ Եվրոպայի միջեւ, ինչը թույլ կտա (Կահիրեին) առանցքային դեր խաղալ էներգետիկ անվտանգության ապահովման գործում էներգետիկ շուկայում խիստ ցնցումների ժամանակ»:

Եգիպտոսն անցյալ շաբաթ առանձին համաձայնագրեր ստորագրեց Հունաստանի եւ Կիպրոսի հետ` միացման ստորջրյա գծերի ստեղծման վերաբերյալ՝ չնայած մանրամասները մշակված չեն:

Կիպրոսի նախագահ Նիկոս Անաստասիադեսը նույնպես միացել է Աթենքում կայացած հանդիպմանը` նշանավորելով երեք երկրների առաջնորդների բանակցությունների իններորդ փուլը:

Հունաստանը ձգտում է ընդլայնել էներգետիկ համագործակցությունը Միջերկրական ծովում Եգիպտոսի եւ Իսրայելի հետ, քանի որ տարաձայնություններ ունի հարեւան Թուրքիայի հետ ծովային սահմանների եւ ծովի հատակի օգտակար հանածոների արդյունահանման իրավունքների վերաբերյալ:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԵՄ-ն Վրաստանի դեմ հնարավոր պատժամիջոցներ սահմանելու հարցը կքննարկի հունիսի 24-ին
ԵՄ-ն կհրաժարվի նման սահմանափակումներից, երբ օտարերկրյա գործակալների մասին օրենքը չեղյալ հայտարարվի...
ԵՄ-ն հաստատել է Ուկրաինայի և Մոլդովայի հետ անդամակցության բանակցությունների մեկնարկի ամսաթիվը
Բանակցությունների մեկնարկի ամսաթիվը համաձայնեցվել է ԵՄ ֆինանսների նախարարների...
Մոլդովայում որոշել են ԵՄ-ին անդամակցության գլխավոր բանակցողին
Սանդուն ստորագրել է հրամանագիր բանակցություններն սկսելու մասին...
ԵՄ-ին ՀՀ-ի անդամակացության գաղափարը ավելի մեծ տարածում է ստանում երկրի քաղաքացիների շրջանում. ՀԿ ղեկավար
ԵՄ-ին անդամակցության գաղափարը տարածում է ստանում քաղաքացիների շրջանում...
ՀՀ-ն դե ֆակտո ժողովրդավարական երկիր չէ, ժողովրդավարությունը թերի չի լինում. Հովհաննես Ազոյան
Ժողովրդավարությունն ինձ համար իրավունքն է, պարտավորությունն է և ապահովությունը։ Ահա այս երեք նախապայմանն է ինձ համար, որ կստեղծի…
4 քաղաքական կուսակցություն առաջարկել է եռամսյա ժամկետում կազմակերպել ԵՄ-ին ՀՀ անդամության հանրաքվե. քաղաքական գործիչ
Հանրաքվեի կազմակերպման առաջարկ...
Ամենաշատ