News
Լրահոս
News
Ուրբաթ
Դեկտեմբեր 03
Տեսնել լրահոսը

44-օրյա պատերազմի ընթացքի վերլուծությունն առնչվող նամակ եմ հղել ՀՀ ՊՆ-ին։ Ստացված պատասխանում ասվում է, որ ՀՀ ԶՈւ ԳՇ-ն դեռ լիարժեք վերլուծություն չի կատարել։ Այս մասին ԱԺ պաշտպանության եւ անվտանգության մշտական հանձնաժողովի նիստում հայտարարեց «Պատիվ ունեմ» խմբակցության պատգամավոր Տիգրան Աբրահամյանը՝ դիմելով ՀՀ պաշտպանության փոխնախարար Արման Սարգսյանին։

Այնուամենայնիվ, պատգամավորը նշեց, որ  արդեն հաջորդ նախադասության մեջ ասվում է, որ ստացված արդյունքների հիման վրա ՀՀ ԶՈւ-ում իրականացվում են կառուցվածքային փոփոխություններ եւ բարեփոխումներ:

«Միեւնույն ժամանակ, նամակում ասվում է նաեւ, որ բարեփոխումների գործընթացը ենթակա չէ հրապարակման։ Այնուամենայնիվ, ես կարծում եմ, որ բարեփոխումների գործընթացը պետք է լինի հրապարակային: Քննարկումներ պետք է անցկացվեն ոչ միայն Զինված ուժերի, այլ նաեւ պաշտպանության եւ անվտանգության խորհրդարանի մշտական ​​հանձնաժողովում»,-ընդգծեց Աբրահամյանը:

Նա նաեւ հարցրեց, թե ինչու է պաշտպանության նախարարն իր՝ որպես խորհրդարանի մշտական ​​հանձնաժողովի անդամի, առաջնագիծ այցը ոչ նպատակահարմար համարում։ Հանձնաժողովի նախագահ, ՔՊ-ի պատգամավոր Անդրանիկ Քոչարյանը վստահեցրեց, որ թե՛ խորհրդարանը, թե՛ պրոֆիլային հանձնաժողովը շուտով մանրամասն կքննարկեն պաշտպանության նախարարության կողմից մատնանշված բարեփոխումների փաթեթը:

Իր հերթին, Հայաստանի պաշտպանության փոխնախարար Արման Սարգսյանը փորձեց արդարանալ Աբրահամյանի առաջ: «Ձեզ արգելվել է այցելել դիրքեր, բայց ոչ կտրականապես: Նախարարությունն ուղղակի այցը համարել է ոչ նպատկահարմար։  Առնվազն այս փուլում: Բացի այդ, Հայաստանի Զինված ուժերի գլխավոր շտաբն ունի ձեր հարցի պատասխանը: Վստահ եմ, որ վաղ թե ուշ նրանք բարձրաձայնելու են իրենց որոշման պատճառները»,-դիմելով պատգամավորին ՝ ասաց Սարգսյանը:

Փոխնախարարը նաեւ խոստացավ, որ որոշակի փուլում ՊՆ-ն նպատակահարմար կհամարի նման այցելությունները: Այնուհետեւ Աբրահամյանն ասաց, որ ինքը նախկինում այցելել է հանրապետության Ազգային անվտանգության ծառայության սահմանային կետեր: «Այս կառույցն ինձ համար որեւէ խոչընդոտ չի ներկայացնում: Ես իմ այցերի մասին հրապարակումներ չեմ անում, այլ իմ առաջարկները գրավոր ուղարկում եմ անմիջապես ԱԱԾ եւ փակ ձեւաչափով»,-ասաց պատգամավորը։ 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Պատերազմից 1 տարի անց Եռաբլուրը շարունակում է ընդլայնվել, իսկ իշխանությունը զբաղված է կլոունադայով. Աբրահամյան
Պատերազմից մեկ տարի անց Հայաստանը շարունակում է տարածքներ կորցնել, սահմանագծին մարդիկ են զոհվում...
Գոնե փոխգնդապետ Հայրապետյանը ողջ է եւ մեր հարցերին կպատասխանի. հրետանավոր Արթուրի հայր
Առաջին անգամ որ մտանք կրակային դիրք, չգտանք մեր տղաներին, մարմինների հետքերը երեւում էին, բայց մարմինները…
Հասցեական կոչերն ու կոնկրետ գործողությունները կենսական նշանակություն ունեն․ Հունաստանում ՀՀ նորանշանակ դեսպանի հոդվածը
«Ադրբեջանի հռետորաբանությունը և գործողությունները գոյաբանական սպառնալիք են»․․․
«Ցորի» զորամասի 11 զինվորներին հուղարկավորել էին իրենց տեղանքից մի քանի կմ հեռավորության վրա. զոհվածի հարազատ
Սովորում էր բժշկականում, երբ մամայի հետ խոսում էր…
Երեւանում վերջին հրաժեշտն են տալիս ավելի քան 1 տարի առաջ Արցախում զոհված հրետանավոր Հայկ Մելիքյանին
Ղարաբաղյան երրորդ պատերազմի ավարտից մեկ տարի մեկ ամիս անց՝ այսօր՝ դեկտեմբերի 2-ին, Երևանի Սուրբ Աննա եկեղեցում հարազատները…
Սուրբ Գրիգոր Լուսավորիչ եկեղեցում «Ցորի» զորամասի 9 զինծառայողների հոգեհանգստի արարողությունն է (ուղիղ)
Շուրջ մեկ տարի եւ երեք ամիս անհետ կորած…
Ամենաշատ