Հայաստանը ծրագրում է բացառել երկակի հարկումը Մալթայի եւ Սինգապուրի հետ տնտեսական հարաբերություններում։ Այս մասին ՀՀ Ազգային ժողովում հոկտեմբերի 20-ին, Տնտեսական հարցերի խորհրդարանական մշտական հանձնաժողովի նիստում, իմաստով մոտ երկու համաձայնագրերի քննարկման ընթացքում, ասաց ՀՀ ֆինանսների փոխնախարար Արման Պողոսյանը։
Նա կառավարության անունից խնդրեց որքան հնարավոր է արագ վավերացնել նշված համաձայնագրերը։
Հանձնաժողովի անդամներին ներկայացնելով վավերացման կարեւորությունը՝ փոխնախարարը նշեց, որ դրա շնորհիվ Հայաստանի կառավարությունը ինչպես երկու երկրների հետ ապրանքաշրջանառության ծավալի, այնպես էլ ներդրումների ավելացման հույս ունի։
«Համաձայնագրերի ուժի մեջ մտնելը կարեւոր ավանդ կդառնա ինչպես ազգային տնտեսությունների ներդրումային գրավչության բարձրացման, այնպես էլ ընդհանուր առմամբ տնտեսական ակտիվության ցուցանիշների բարելավման գործում։ Արժե նաեւ ավելացնել, որ Հայաստանի Սահմանադրական դատարանն արդեն դրական եզրակացություն է տվել նշված համաձայնագրերի վերաբերյալ»,- նշեց Պողոսյանը։
Քննարկումների արդյունքներով խորհրդարանական մշտական հանձնաժողովը դրական եզրակացություն տվեց երկու նախաձեռնություններին։
