News
Լրահոս
News
Չորեքշաբթի
Դեկտեմբեր 08
Տեսնել լրահոսը


Բացի Փայլասարից նաև Շիկահող, Սրաշեն, Ճակատեն հատվածում մենք նույնպես խնդիր ունենք, քանի որ ադրբեջանական զինված ուժերը, չհանդիպելով, թե՛ դիվանագիտական, թե՛ այլ դիմադրության քայլելով գալիս են առաջ և մենք, ենթադրաբար, շուտով կկորցնենք նաև Շիկահող գյուղի դիմացի բարձունքը: Այս մասին, այսօր՝ հոկտեմբերի 20-ին, ԱԺ-ում ճեպազրույցի ժամանակ հայտնեց «Հայաստան» խմբակցության պատգամավոր Վահե Հակոբյանը:

Անդրադառնալով Տիգրան Ավինյանին՝ Զանգեզուրի պնղձամոլիբդենային կոմբինատի տնօրեն նշանակելու մասին հարցին՝ Հակոբյանը հայտնեց, որ այդ մասին տեղեկություն չունի և իրեն թվում է, որ դա միայն մամուլի մտահղացումն է:

«Տիգրան Ավինյանը, ինչքան գիտեմ, որևէ մասնագիտական ունակություններ չունի, որ  ղեկավարի կոմբինատը»,-ասաց պատգամավորը։

Ըստ Հակոբյանի՝ քանի որ բաժնեմասերի մեծ տոկոսն ունի «Գեոպրոմայնինգ» ընկերությունը, այդ պատճառով էլ տնօրենը պետք է նշանակվի հենց այդ ընկերության կողմից. «Տրամաբանությունը եւ օրենքը ասում է, որ եթե պետությունն ունի 15 տոկոս մասնաբաժին, ինքը կարող է ներկայացված լինի խորհրդում եւ 1-2 ոլորտներում որպես դիտորդ հետեւի»:

Լրագրողներից մեկը հարցրեց, թե վտանգ սպառնո՞ւմ է իր ընտանեկան մասնաբաժնին, Հակոբյանը պատասխանեց. «Այս պետության կողմից իմ նկատմամբ երեքուկես տարի է վտանգ է սպառնում, ցանկացած վտանգ ստանում է իր պատասխանը և այդպես էլ շարունակվելու է»,-ասաց «Հայաստան» խմբակցության պատգամավորը։

Պատգամավորը խոստացավ, որ երբ վերջնական պարզի, թե ինչ է կատարվել այդ ընկերությունում, անմիջապես ասուլիս կհրավիրի ու բոլոր հարցերին կանդրադառնա:

!
Այս նյութը հասանելի է նաև   English and Русский
Տպել
Ամենաշատ