Միլիոնավոր եվրոպացիներ կգտնվեն աղքատացման սպառնալիքի ներքո, գրում է չեխական Idnes պարբերականը։ Հոդվածի հեղինակ Իյրժի Սլադեկը կարծում է, որ էներգակիրների գների հետ կապված իրավիճակի բարելավում Եվրոպայում չի սպասվում մինչեւ առնվազն 2022 թվականի գարունը:
Դա շատ եվրոպական ընտանիքների համար կդժվարացնի գազի ու էներգիայի թանկացումը հաղթահարելը։ «Գլխապտույտ տեմպերով աճում են ոչ միայն էլեկտրաէներգիան եւ գազը, որոնք տարեսկզբից թանկացել են ավելի քան 400%-ով, այլ նաեւ նավթը»,-նշում է հոդվածի հեղինակը:
Արդյունքում այսօր մոտ 3 միլիոն եվրոպացիներ չեն կարողանում իրենց թույլ տալ վճարել բնակարանի համար՝ չնայած մշտական աշխատանք ունեն։
