News
Լրահոս
News
Հինգշաբթի
Դեկտեմբեր 01
USD
395.53
EUR
393.43
RUB
6.42
Տեսնել լրահոսը

Հոկտեմբերի 20-ին Երևանի Պետական Համալսարանի նիստերի հանդիսավոր դահլիճում ամփոփվեց IDBank-ի և ԵՊՀ-ի կողմից սահմանված կրթաթոշակի մրցույթը։ Կրթաթոշակը սահմանվել էր ԵՊՀ լավագույն ուսանող, «Մարտական Խաչ» 1-ին աստիճանի շքանշանի ասպետ, Արցախյան 44-օրյա պատերազմում զոհված ավագ լեյտենանտ Գևորգ Արշակյանի անվամբ։

Մրցույթի ամփոփման միջոցառման ժամանակ խոսվեց հենց Գևորգի մասին՝ որպես հայրենասեր անհատ, որպես ԵՊՀ լավագույն ուսանողներից մեկը, ֆանտաստիկ ընկեր և պարզապես օրինապահ քաղաքացի, որ իր ամեն օրն ապրում էր Հայաստանի և Արցախի շենացման մասին երազելով և դրան իր հերթին նպաստելով։

ԵՊՀ ռեկտորի պաշտոնակատար Հովհաննես Հովհաննիսյանը նշեց, որ չնայած չի ճանաչել Գևորգին, նրա մասին շատ է լսել, հետևել է Գևորգի գործունեությանը: «Գևորգն իսկական համալսարանական էր։ Մենք միշտ հիշելու ենք մեր բոլոր նահատակված ուսանողներին. նրանք մշտապես համալսարանականի կնիքն են կրում և հավերժ մնալու են մեր սրտերում։ Շնորհակալ ենք IDBank-ին նման նախաձեռնությամբ հանդես գալու համար, քանի որ կրթաթոշակներ սահմանելը նաև ներդրում է ապագայի համար», - նշեց Հովհաննես Հովհաննիսյանը։

IDBank-ի վարչության նախագահ Մհեր Աբրահամյանի խոսքով՝ այսօր բոլորիս միավորում է մեր նահատակված հերոսների նկատմամբ պարտավորության զգացումը։ «Նրանք ունեին բազմաթիվ երազանքներ, բայց կարծում եմ՝ բոլորի ամենամեծ երազանքը հզոր և ուժեղ հայրենիք ունենալն էր: Այսօր բոլորս պետք է բարձր պահենք նրանց անունը և մեր ներդրումն ունենանք մեր երկրի զարգացման գործում», - ասաց Մհեր Աբրահամյանը։

Գևորգ Արշակյանի անվան՝ միանվագ 400․000 ՀՀ դրամի չափով կրթաթոշակին արժանացան ԵՊՀ չորս ուսանողներ՝ Աննա Հակոբյանը Եվրոպական լեզուների և հաղորդակցության ֆակուլտետից, Մուրադ Սողոյանը Աշխարհագրության և երկրաբանության ֆակուլտետից, Արամ Բուղդարյանը Ինֆորմատիկայի և կիրառական մաթեմատիկայի ֆակուլտետից և Սմբատ Ալեքսանյանը Արևելագիտության ֆակուլտետից։

IDBank-ը, կարևորելով Կորպորատիվ սոցիալական պատասխանատվությունն իր գործունեության մեջ, մշտապես առանձնակի ուշադրությամբ է մոտենում կրթական բաղադրիչին։ Բացի տարատեսակ առանձին ծրագրերից՝ Բանկն իր ռազմավարական գործընկեր Իդրամ ընկերության հետ իրականացնում է «Մի դրամի ուժը» նախաձեռնությունը։ Վերջինս արդեն ավելի քան մեկ տարի է՝ ուղղված է հասարակության առաջնահերթ խնդիրների լուծմանն ու հասարակության տարբեր շերտերի սոցիալական աջակցմանը։ Ավելի քան մեկ տարում «Մի դրամի ուժը» նախաձեռնությունը տարբեր ծրագրերի և հասարակական կազմակերպությունների է ուղղել ավելի քան 40 մլն ՀՀ դրամ։

ԲԱՆԿԸ ՎԵՐԱՀՍԿՎՈՒՄ Է ՀՀ ԿԲ ԿՈՂՄԻՑ

Տպել
Կարդացեք նաև
Ամբողջը
Արդշինբանկն անցկացնում է ակցիա 10000 դրամ դրամական փոխանցում կատարող յուրաքանչյուր 300-րդ հաճախորդի համար
Դեկտեմբերի 1-ից 30-ը ...
Ameria PhonePOS.  Նոր հավելված` սմարթֆոնով անկանխիկ վճարումներ ստանալու համար
Այն նախատեսված է NFC ֆունկցիա ունեցող Android 8.1 և ավելի բարձր դասի սմարթֆոնների համար...
ՀՀ կենտրոնական բանկը կեղծ լիցենզիայի և շինծու տվյալների հիման վրա տարածվող առաջարկների մասին զգուշացում է տարածել
Վերջին շրջանում տարբեր սոցիալական հարթակներով գործարար Իլոն Մասկի...
Սեպտեմբերի  դրությամբ հայաստանյան բանկերի կողմից տրված վարկերի 38 տոկոսը արտարժույթով է, 62 տոկոսը՝ դրամով
ՀԲՄ-ն այսուհետ կներկայացնի «Հայաստանի բանկային համակարգը թվերով» նոր պարբերականը…
Google Pay-ն այլևս հասանելի է ԱրարատԲանկի քարտապանների համար
Քարտապանները հնարավորություն կունենան ԱրարատԲանկի Visa և Mastercard կրեդիտային և դեբետային քարտերը կցել Google Wallet թվային դրամապանակին...
Մի քանի քայլ այն կողմ, մի քանի քայլ ավելի հարմարավետ․ Ինեկոբանկի «Զեյթուն» մասնաճյուղը վերաբացվել է նոր հասցեում
Ինեկոբանկը, իր առաջատար թվային լուծումների և օնլայն գործիքակազմի հարստացմանը  զուգահեռ, շարունակում է նաև իր մասնաճյուղերի վերազինման ու արդիականացման գործընթացը...
Ամենաշատ