News
Լրահոս
News
Չորեքշաբթի
Դեկտեմբեր 07
USD
395.53
EUR
393.43
RUB
6.42
Տեսնել լրահոսը


Վարչապետ Նիկոլ Փաշինյանն ընդունել է ՆԱՏՕ-ի գլխավոր քարտուղարի հատուկ ներկայացուցիչ Խավիեր Կոլոմինա Պիրիսին:

Վարչապետը շնորհավորել է պարոն Պիրիսին կարևոր պաշտոնում նշանակվելու կապակցությամբ և հույս հայտնել, որ նրա այցը հնարավորություն կտա քննարկել Հարավային Կովկասի տարածաշրջանում իրավիճակը, գնահատել Հայաստան-ՆԱՏՕ գործընկերության հնարավորություններն ու խնդիրները:

Նիկոլ Փաշինյանը նշել է, որ մեր տարածաշրջանում իրադրությունը գտնվում է բավականին լարված իրավիճակում և Հայաստանը ջանքեր է գործադրում այն լավագույնս կառավարելու համար: ՀՀ վարչապետի խոսքով՝ տարածաշրջանում կան խնդիրներ, որոնք սպասում են իրենց լուծմանը: «Լեռնային Ղարաբաղի հակամարտության համապարփակ կարգավորումը մեզ համար առաջնահերթություն է, կարևոր է նաև տարածաշրջանային կոմունիկացիաների բացումը»,- ասել է կառավարության ղեկավարը՝ հույս հայտնելով, որ այս ուղղություններով հնարավոր կլինի գրանցել արդյունքներ:

Վարչապետ Փաշինյանը քաղաքական առումով կարևորել է ՆԱՏՕ-ի հետ համագործակցությունը և վերջինիս պատկերացումներին ծանոթանալը հետագա գործընկերության վերաբերյալ:   

Խավիեր Կոլոմինա Պիրիսը նշել է, որ ՆԱՏՕ-ն ևս կարևորում է Հայաստանի հետ շարունակական գործընկերությունը և իր այցի նպատակն է նաև հայ գործընկերների հետ քննարկել հետագա համագործակցությանն ուղղված հարցերն ու հնարավորությունները, գնահատել տարածաշրջանում ստեղծված իրավիճակն ու հեռանկարները: Պարոն Պիրիսը նշել է, որ ՆԱՏՕ-ն բարձր է գնահատում Կոսովոյում հայ խաղաղապահների գործունեությունը, որոնք իրենց առաքելությունն իրականացնում են բարձր մակարդակով:  ՆԱՏՕ-ի գլխավոր քարտուղարի հատուկ ներկայացուցիչը հավելել է, որ Հյուսիսատլանտյան դաշինքը կարևորում է Հարավային Կովկասում խաղաղության և կայունության հաստատումն ու ամրապնդումը և պատրաստ է տարածաշրջանի երկրների հետ համագործակցությամբ նպաստել այդ խնդրի լուծմանը:

Վարչապետ Փաշինյանը նշել է, որ Հայաստանի համար կարևոր է միջազգային անվտանգության ապահովման գործում հայ խաղաղապահների մասնակցությունը և վստահություն հայտնել, որ նրանք լավագույնս կշարունակեն իրենց առաքելությունը:  Վարչապետն անդրադարձել է նաև մեր տարածաշրջանում տեղի ունեցող գործընթացներին՝ ընդգծել, որ Ադրբեջանում պահվող հայ գերիների վերադարձի ապահովման խնդիրն ուղիղ անդրադառնում է տարածաշրջանային իրավիճակին: Նիկոլ Փաշինյանը հույս է հայտնել, որ այս առումով հնարավոր կլինի առաջիկայում հասնել լուծման:

Հանդիպմանը մտքեր են փոխանակվել Հայաստան-ՆԱՏՕ գործընկերության և  հետագա համագործակցության շուրջ:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ֆինլանդիան պետք է չեղարկի զենքի մատակարարման էմբարգոն․ Թուրքիան շարունակում է պահանջներ ներկայացնել
Ֆինլանդիան եւ Շվեդիան դիմել են ՆԱՏՕ-ին անդամակցելու խնդրանքով, սակայն վաղեմի անդամ Թուրքիան հրաժարվել է աջակցել․․․
Թուրքիան հետեւում է Շվեդիայի եւ Ֆինլանդիայի՝ ՆԱՏՕ-ին անդամակցելու հարցին․ Աքար
Մենք ուշադիր հետեւում ենք Շվեդիայում եւ Ֆինլանդիայում տիրող իրավիճակին․․․
Ֆինլանդիայի կառավարությունը խորհրդարան է ներկայացրել ՆԱՏՕ-ին անդամակցելու մասին օրինագիծը
Ֆինլանդիայի կառավարությունը ՆԱՏՕ-ին անդամակցելու մասին օրինագիծն ուղարկել է խորհրդարան...
Հունաստանում ռելսերից դուրս է եկել Ուկրաինայի համար ԱՄՆ բանակի ռազմական տեխնիկա տեղափոխող գնացքը
Գնացքը շարժվել է ցածր արագությամբ, եւ բեռի մեծ ծանրության տակ անիվը ռելսերից դուրս է եկել․․․
ԱՄՆ-ն ու Ֆրանսիան կարծում են, որ ՆԱՏՕ-ի միջուկային ներուժի հիմնական նպատակը «խաղաղության պահպանումն է»
Այս մասին ասվում է Սպիտակ տանը երկու երկրների նախագահներ Ջո Բայդենի եւ Էմանուել Մակրոնի հանդիպման արդյունքներով համատեղ հայտարարության մեջ․․․
Գերմանիան եւ Նորվեգիան Եվրոպայի ստորջրյա ենթակառուցվածքի պաշտպանությունը համակարգելու խնդրանքով կդիմեն ՆԱՏՕ-ին
Եվրոպական երկրներն ուժեղացրել են զգոնությունը կրիտիկական օբյեկտների նկատմամբ այն բանից ․․․
Ամենաշատ