News
Լրահոս
News
Չորեքշաբթի
Դեկտեմբեր 01
Տեսնել լրահոսը

Այսօր՝ հոկտեմբերի 22–ին, Ստամբուլում մեկնարկել է Թյուրքական խորհրդի մեդիա ֆորումը՝ «Արմատներ գցած անցյալ, ուժեղ ապագա» կարգախոսի տակ։

Akunq.net–ի փոխանցմամբ՝  Էրդողանն ուղերձում մասնավորապես նշել է․ «Մեր օրերում սոցիալական մեդիայի տարածմանը զուգահեռ՝ ինչպես համայն մարդկությունը, այնպես էլ մենք հաճախ ենք ապատեղեկատվության ենթարկվում։ Ստահոդ և կեղծ լուրերի հետևանքով աշխարհում խորտակվում է միլիոնավոր անպաշտպան մարդկանց կյանքը․ նրանք լուրջ տրավմաներ ու դրամաներ են ապրում»։

Ուշագրավ է, որ Էրդողանի ուղերձում որպես մասնավոր օրինակներ բերվում են միայն Հայաստանն ու հայությունը։ Անդրադառնալով Արցախի վերջին պատերազմին՝ նա մասնավորապես նշել է․ «Թվայնացված ֆաշիզմի ավերիչ ազդեցությունից ոչ մի երկիր ու հասարակություն զերծ չէ։ 44 օր տևած Լեռնային Ղարաբաղի պատերազմի ընթացքում ականատես դարձանք երկերեսանի պահվածքի, որը ցույց տվեց այդ խնդրի՝ մեր երկրի համար ունեցած կարևորությունը։ Բոլորովին օրակարգ չբերվեցին Հայաստանի բանակի՝ քաղաքացիական բնակչությունը թիրախավորած կոտորածը և բալիստիկ հրթիռային հարձակումները։ Մեդիայի անկախության և օբյեկտիվության մասին ճամարտակող միջազգային մամլո օրգանները շարժվեցին Հայաստանի պաշտոնական լրատվական գործակալության նման։

Ղարաբաղի պատերազմը մեր երկրներին և թյուրքական աշխարհին առնչվող փաստերի դեմ կիրառված մեդիա էմբարգոյի միակ օրինակը չէ։ Մեր ունեցած տառապալի փորձի լույսի ներքո այլևս բոլորս կարողանում ենք պարզ ու հստակ կերպով տեսնել հետևյալ ճշմարտությունը․ինչպես որ արդյունաբերական ու ռազմական հարցերում հույսներս օտարերկրացիների վրա չենք դնում, այնպես էլ հաղոդրակցմանը վերաբերող խնդիրները ևս չենք կարող այլոց վստահել։ Որպես թյուրքական աշխարհ՝ պետք է այդ հարցում նախաձեռնողական լինենք, փորձի փոխանակում ունենանք, մեր ուժերը մեկտեղենք և որոնենք մեր ունեցած հնարավորություններն ամենաազդեցիկ ձևով օգտագործելու ուղիները»։

Այսպիով, Էրդողանը նախանշեց առաջիկա 2 օրը շարունակվելիք Թյուրքական խորհրդի մեդիա ֆորումի հիմնական ուղեգիծը։ Ակնհայտ են նաև այս ֆորումի միջոցով Էրդողանի՝ համաթուրանական բանակ կազմավորելու ակնկալիքները։

Հիշեցնենք, որ Թյուրքական խորհուրդը թյուրքախոս պետությունները միավորող միջազգային կազմակերպություն է, որի կազմում ընդգրկված են Ադրբեջանը, Ղազախստանը, Ղրղզստանը և Թուրքիան։ Ուշագրավ է, որ սույն կազմակերպությունը հիմնվել է 2009 թ․, Նախիջևանում։ Դիտորդի կարգավիճակում ֆորումին մասնակցում է նաև Հունգարիան։ Ակնկալվում է, որ հետագայում կազմակերպությանը կանդամակցեն նաև Թուրքմենստանը և ինքնահռչակ «Հյուսիսային Կիպրոսի Թուրքական Հանրապետությունը»։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Արմեն Սարգսյանը հյուրընկալել է վերջին պատերազմում հերոսաբար զոհված զինծառայող, «Արցախի հերոս» Ալեն Մարգարյանի մորը
Տիկին Նազելին հուշեր է պատմել և դրվագներ ներկայացրել որդու մանկությունից, դպրոցական և ուսանողական կյանքից ու գործունեությունից…
Բջջային կապի և համացանցի հասանելիությունն Արցախի տարածքում միտումնավոր խլացվում է ադրբեջանցիների կողմից. ԱՀ ՄԻՊ
Պատկան մարմինների և ռուսական խաղաղապահ զորակազմի ուշադրությունը կրկին…
Մոսկվայում դեկտեմբերի 1-ին կկայանա Հայաստանի, ՌԴ-ի և Ադրբեջանի փոխվարչապետերի հանդիպումը
Եռակողմ աշխատանքային խումբը ստեղծվել էր տարածաշրջանում բոլոր…
ԵՄ ներկայացուցիչ. ԵՄ-ն Ռուսաստանի հետ քննարկում է Հայաստանի եւ Ադրբեջանի միջեւ հակամարտությունը
Դեւինը նաեւ նշել է, որ «ԵՄ-ն անում է ուժերի ներածին չափով ամեն ինչ»․․․
Որոտան տանող այլընտրանքային միակ ճանապարհն ադրբեջանական զիծառայողների անմիջական դիտարկման ներքո է. ՄԻՊ
Բնակիչների անվտանգության և իրավունքների վերականգնման համար միակ ելքը նրանց հեռացումն է…
Դժվար է բացատրել, թե ինչու են ՀԱՊԿ որոշ երկրներ շնորհավորում Ադրբեջանին ՀԱՊԿ երկրի հանդեպ հաղթանակի առթիվ. Ս. Սարգսյան
Ռացիոնալիզմը ցինիզմից բաժանվում է փխրուն սահմանագծով, որը կոչվում է պարկեշտություն…
Ամենաշատ