News
Լրահոս
News
Հինգշաբթի
Դեկտեմբեր 09
Տեսնել լրահոսը


Հայաստանի աշխարհագրական դիրքն այնպիսին է, որ ստիպված եք հավասարակշռություն պահել: Նման կարծիք է արտահայտել Իտալիայի նախկին վարչապետ, Եվրոպական հանձնաժողովի նախկին նախագահ Ռոմանո Պրոդին Դիլիջանում անցկացվող «Մտքերի հայկական գագաթնաժողով»-ի շրջանակում Հայաստանի Հանրապետության նախագահ Արմեն Սարգսյանի հետ երկխոսության ժամանակ:

Ինչպես հայտնում են ՀՀ նախագահի աշխատակազմից, բանախոսներն անդրադարձել են անցյալին ու ներկային, մասնավորապես խոսել տեղի ունեցող աշխարհաքաղաքական զարգացումների և գլոբալ փոփոխությունների, աշխարհաքաղաքականության վրա ազդեցություն ունեցող գործոնների մասին: Նրանք խոսել են նաև ապագայի հեռանկարների մասին:

«Եթե նայենք ամբողջ աշխարհին, զարգացումը բացառապես տարբեր է, ինչպես և տարբեր էր 30 տարի առաջ, - նշել է նախագահ Սարգսյանը: - Փոքր պետությունները նույնպես թռիչք են կատարում և զարգանում են խելացի կերպով։ Այն երկրները, որոնք գիտեն իրենց ուժեղ կողմերը, գիտեն, թե ինչպես կարող են այդ ուժեղ կողմն օգտագործել աշխարհում ավելի կարևոր դառնալու համար։ Հուսով եմ՝ Հայաստանը կմիանա նաև այդ՝ փոքր երկրների (Սինգապուր, Կատար, ԱՄԷ) ակումբին մոտ ապագայում»:

Անդրադառնալով աշխարհաքաղաքական վերջին իրադարձություններին՝ մասնավորապես Աֆղանստանից ՆԱՏՕ-ի, ԱՄՆ-ի ուժերի դուրս բերմանը և հատկապես ՆԱՏՕ-ի անդամ Թուրքիայի ակտիվ մասնակցությամբ արցախյան վերջին՝ 44-օրյա պատերազմին, նախագահ Սարգսյանը հարց է ուղղել Ռոման Պրոդիին գլոբալ և տարածաշրջանային մակարդակներում հետագա զարգացումների վերաբերյալ։

Եվրոպական հանձնաժողովի նախկին նախագահը մասնավորապես նշել է, որ ներկայումս աշխարհաքաղաքական փոփոխությունները երկրներին ստիպում են ընտրություն կատարել։

«Ոչ մեկը չի կարող անկախ լինել աշխարհում։ Ստիպված ես ընտրել՝ ում կողմից ես, - ասել է Ռոմանո Պրոդին։ - Փորձեք հասկանալ, թե որտեղ է Հայաստանը գտնվում։ Շատ լավ հարաբերություններ ունեք Ռուսաստանի և ԱՄՆ-ի հետ, բայց գնալով ավելի բարդ է լինելու։ Նույնն էլ մենք։ Այդպիսին է դառնալու աշխարհը։ Կապվածության, կախվածության մի ամբողջ հանգույց է դառնալու։ Մենք գլոբալիզացվում ենք»։

Խոսելով Հայաստանի ու հայ ժողովրդի մասին՝ Ռոմանո Պրոդին ասել է.

«Փառք Աստծո, որ հայեր կան նաև իմ երկրում, և ես շատերին անձամբ եմ ճանաչում պատմական զարգացումների արդյունքում։ Ցավոք, կայունություն չենք կարող ակնկալել այլևս, ապագան շատ խառն է լինելու։ Դժվար կլինի երաշխավորել կայունություն։ Թեպետ անձամբ կարծում եմ, որ Եվրոպայի հետ դուք ավելի ամուր հարաբերություններ եք ունենալու մշակույթի, ավանդույթների, նաև ներկայության շնորհիվ։ Ձեր ներկայությամբ միշտ ձեր նպաստն եք բերում նաև զարգացմանը և կայունությանը եվրոպական երկրներում, - նշել է իտալացի գործիչը։ - Ինչ վերաբերում է աշխարհաքաղաքականությանը, ապա Հայաստանի աշխարհագրական դիրքն այնպիսին է, որ ստիպված եք հավասարակշռություն պահել։ Մենք քայլ առ քայլ, վստահ եմ, որ ավելի ենք մոտենալու Հայաստանին և ազդեցություն ունենալու Հայաստանի ճակատագրի վրա։ Վստահ եմ, որ այդպիսի հարաբերություններ զարգանալու են և նպաստելու Հայաստանի անկախությանը»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Մենք բանավոր պայմանավորվածություններ չենք իրագործել, ավելի մեծ անհեթեթություն դժվար է պատկերացնել. Փաշինյան
Ձեր կառավարման օրոք, գիտությամբ, թե անգիտությամբ, բանակցային գործընթաց է ներմուծվել այսպես կոչված բանավոր պայմանավորվածություններ ձեռք բերելու, բայց...
Իշխանությունները դրական ազդեցություն են տեսնում Ադրբեջանի կողմից Հայաստանի ճանապարհներին մաքսակետերի տեղակայումից
«Հայ-ադրբեջանական սահմանը կա, եւ այս տեսակետն ամենաշահեկանն է Հայաստանի համար...
Աշանի բնակիչ Միհրան Մուսայելյանը գերության մեջ ենթարկվել է բռնության, առողջությանը պատճառվել է ծանր վնաս
Ձեռք բերված տվյալների հիման վրա ԱՀ ազգային անվտանգության ծառայությունում հարուցվել է քրեական գործ՝ ԱՀ քրեական օրենսգրքի 111-րդ հոդվածի 2-րդ մասի 5-րդ…
Մշակութային վանդալիզմի քաղաքականություն որդեգրած երկրին ՅՈՒՆԵՍԿՕ-ում ընդգրկելը մտահոգիչ է. Արցախի ԿԳՄՍՆ
Հատկապես վերջին տասնամյակներում Ադրբեջանի կողմից հայատյացության խորապատկերի ներքո հայկական մշակութային...
«Դասավանդի՛ր, Հայաստան»-ը հանձնեց Ալեն Մարգարյանի հիշատակին նվիրված կրթաթոշակ
«Դասավանդի՛ր, Հայաստան»-ի յոթերորդ սերնդի Ուսուցիչ-առաջնորդ Սեդա Մխիթարյանին շնորհվեց հերոս և գիտելիքի ջատագով, «Ոսկե արծիվ» շքանշանակիր…
Փաշինյան. Խծաբերդ եւ Հին Թաղեր գյուղերի կորստի բազմաթիվ հանգամանքներ պետական ​​գաղտնիք են
«Եթե ամեն ինչ հենց այդպես լիներ, ապա հայ զինվորականներն այնտեղ չէին լինի...
Ամենաշատ