News
Լրահոս
News
Ուրբաթ
Դեկտեմբեր 03
Տեսնել լրահոսը

Փակեք ուսումնական հաստատությունները, հայտարարեք մեկշաբաթյա լոքդաուն՝ վճարելով քաղաքացիներին։ Այս մասին Facebook-ի իր էջում գրել է ԱԺ նախկին պատգամավոր Նաիրա Զոհրաբյանը:

Նա, մասնավորապես, նշել է. «Այլևս գրեթե ամեն օր քովիդով վարակման թիվը հատում է երկու   հազարի սահմանը։ Նախօրեին 42 մահ։

Չէ, իհարկե, ամեն մարդ ինքն է ընտրում՝ պատվաստվե՞լ, թե՝ ոչ, ապրե՞լ, թե՝ ոչ, ինքնասպա՞ն լինել, թե՝ ոչ, դառնալ քո հարազատի վարակի ու մահվան պատճա՞ռը, թե՝ ոչ։

Ինձ  դժվար, գրեթե անհնար է ինչ-որ բանում համոզելը, եթե ես այդպես չեմ մտածում, ինչ-որ բան պարտադրելը, ինչ-որ մեկի լոբբինգն անելու մեջ մեղադրելը։

Ես հասկանում եմ, որ պատվաստվելը, այո, նաև ռիսկ է։ Բայց ես գիտեմ, որ ես պատասխանատու եմ իմ հարազատների ու սիրելի մարդկանց կյանքի համար, ովքեր կարող են պարզապես մահանալ, եթե չունեն ամուր իմունային համակարգ։

Հունիսին պատվաստանյութի երկրորդ դոզան ստանալուց հետո օգոստոսի վերջին ես հիվանդացա քովիդով։ Բայց` թոքերի զրո ախտահարում ու  թեթև ընթացք։

Հնարավո՞ր են պատվաստումից հետո վարակի և մահվան դեպքեր։ Այո, հնարավոր են։ Սակայն կա հստակ վիճակագրություն՝ մահերի 99.9 տոկոսը չպատվաստվածներն են։

Ինչո՞ւ որոշեցի խոսել այս մասին։ Շատ պարզ։ Քովիդը Հայաստանում այլևս անկառավարելի չափերի է հասնում՝ հիվանդանոցներում  մահճակալային ֆոնդը սպառված է անգամ հեռավոր մարզերում, (չնայած պարզ չի, թե ինչ եղան մարզահամերգային համալիրի VIP հիվանդասենյակները), մարդիկ մահանում են, մարդիկ պատճառ են դառնում իրենց հարազատների մահվան։

Էս ընթացքում իշխանության ջեբի օլիգարխը իր մեգա-դյուքանում հարյուրավոր մարդկանց հավաքել՝ փարթի է անում,  ու ամեն բուդկում անդիմակ քաղաքացուն տեռոր անող իշխանությունը մեգա-դյուքանի փարթին չի տեսնում։

Ինչո՞ւ քաղաքացին չի վստահում պատվաստմանը։ Որովհետև քարոզչությունը տարվում է գեղի կլուբի մակարդակով։ Որովհետև մարդուն չի բացատրվում, որ եթե անգամ մեռնելը իր ընտրությունն է, ապա մյուսների մահվան պատճառ դառնալը չի կարող իր հոբբին լինել։

Ես կոչեր անելուց զզվում եմ, բայց այլևս անկառավարելի այս վիճակում հրատապ է բոլոր ուսումնական հաստատությունները կրկին տեղափոխել հեռավար ուսուցման ռեժիմի ու եթե լինի անհրաժեշտություն, այո, մի ինչ-որ ժամանակով կրկին լոքդաուն պիտի հայտարարվի ու էդ ընթացքում աշխատող քաղաքացիները պիտի վճարվեն, ինչպես հենց հիմա արվում է ՌԴ-ում։

Իսկ ով ուզում է հերոսաբար մեռնել՝ դա, իհարկե, իր իրավունքն է, բայց էդ հերոստրատներին ոչ ոք իրավունք չի տվել դառնալու մեկ այլ մարդու մահվան պատճառ։

Դա արդեն չպիտի լինի իր իրավունքը։

Հա, ու չեղարկեք պաշտոնյաների չպատվաստվելու իրավունքի իդիոտիզմը»։

Տպել
Կարդացեք նաև
Ամբողջը
Արցախում կորոնավիրուսի 51 նոր դեպք է գրանցվել, արձանագրվել է 1 մահ
2021 թվականի ընթացքում կորոնավիրուսի լաբորատոր հայտնաբերման նպատակով...
Խորվաթիայում կարող են մեծ տուգանքներ սահմանել «COVID-19-ի վկայականներն» օգտագործելուց հրաժարվելու համար
«Մենք առաջարկում ենք 30 000 – 50 000 կունի (7537,27 ԱՄՆ դոլար) տուգանքներ սահմանել»․․․
Մի քանի ամսվա ընթացքում Omicron-ը կարող է Եվրոպայում COVID-19 բոլոր վարակների ավելի քան կեսի պատճառը լինել
Հիմնվելով ECDC-ի կողմից անցկացված մաթեմատիկական մոդելավորման վրա՝ կան ցուցումներ, որ Omicron-ը կարող է․․․
Գերմանիան կարող է պարտադիր դարձնել կորոնավիրուսի դեմ պատվաստումը
Գերմանիան սահմանափակումներ է մտցրել չպատվաստվածների նկատմամբ՝ «օմիկրոն» շտամով սրված կորոնավիրուսային վարակի աճը կասեցնելու ջանքերի շրջանակներում...
Գուտերեշը քննադատել է omicron-ի պատճառով «զբոսաշրջային ապարտեիդը»
Նոյեմբերի 24-ին omicron-ի հայտնաբերումից հետո կառավարությունները շտապել են արգելել որոշ երկրներից ճանապարհորդությունները․․․
Հնդկաստանում հայտնաբերել են կորոնավիրուսի օմիկրոն շտամով վարակման առաջին դեպքերը
Երկու դեպքն էլ հայտնաբերվել է Կարնատակա նահանգում...
Ամենաշատ