ԱՄՆ Նյու Յորք նահանգի նահանգապետ Քեթի Հոքուլն արտակարգ ռեժիմ է սահմանել՝ կանխատեսվող տեղումների եւ հնարավոր ջրհեղեղների պատճառով։ Այս մասին հայտարարությունը հրապարակվել է նրա կայքում։
«Ես նախապես արտակարգ ռեժիմ եմ մտցնում՝ համոզվելու համար, որ մենք բավարար ռեսուրսներ ունենք աղետին արձագանքելու եւ մարդկանց ու ունեցվածքը պաշտպանելու համար այն տարածքներում, որտեղ զգալի տեղումներ են կանխատեսվում»,- ասվում է հայտարարության մեջ։ Արտակարգ ռեժիմը տարածվում է Նյու Յորքի մի քանի շրջանների, ինչպես նաեւ հենց քաղաքի վրա։
Ավելի վաղ ԱՄՆ Ազգային օդերեւութաբանական ծառայությունը հայտնել էր, որ Նյու Յորքում եւ հարակից Նյու Ջերսի եւ Կոնեկտիկուտ նահանգներում հորդառատ անձրեւներ են սպասվում, տեղ-տեղ չեն բացառվում նաեւ հեղեղումները։ Սպասվում է, որ երեքշաբթի երեկոյան առանձին հատվածներում կտեղան մինչեւ 100 մմ տեղումներ, քամու պոռթկումների արագությունը կհասնի 17 մ/վրկ-ի։