Բազմաբնակարան շենքերի աղբատարների կոնսերվացիային այլընտրանք չկա, այլ լուծում գոյություն չունի։ Այս մասին հոկտեմբերի 26-ին հայտարարել է Երեւանի քաղաքապետ Հայկ Մարությանը։

«Առնետների դեմ այլ կերպ պայքարել անհնար է։ Այդ մասին է վկայում աշխարհի զարգացած քաղաքների փորձը։ Իմ հանձնարարությամբ՝ աղբատարի կոնսերվացիայից հետո այն անմիջապես փոխարինվում է աղբամանով»,- նշել է նա։