News
Լրահոս
News
Երկուշաբթի
Նոյեմբեր 28
USD
395.53
EUR
393.43
RUB
6.42
Տեսնել լրահոսը

Ավստրալացի պատգամավոր Ջոն Ալեքսանդրը երկրի Ներկայացուցիչների պալատում բարձրացրել է Արցախի դեմ Ադրբեջանի ագրեսիայի հարցը, հայտնել է Ավստրալիայի Հայ դատի հանձնախումբը (ANC-AU):

«Երբ 2019 թվականին այցելեցի Արցախ, ինձ ապշեցրեց, թե որքան նորմալ էր իրավիճակն այն տարածքում, որին մշտապես սպառնում է հարեւանը։ Ես զարմացած էի իմ այցելած քաղաքներում մարդկանց դիմացկունությամբ եւ ուժով... Բայց ընդամենը մեկ տարի անց մենք տեսանք փախստականներով խցանված ճանապարհների ողբերգական պատկերներ՝ ուղղակի համեմատություն գրեթե 100 տարի առաջ տեղի ունեցած Հայոց ցեղասպանության զոհերի պատկերների հետ»,- իր ելույթում նշել է օրենսդիրը։

Ալեքսանդրը նաեւ մտահոգություն է հայտնել անցյալ տարի Հայաստանի վրա Ադրբեջանի հարձակումների հետեւանքով առաջացած շարունակվող հումանիտար եւ քաղաքական ճգնաժամի կապակցությամբ։ «Այդ ժամանակվանից ես տեղեկություններ եմ լսել, որ 100.000 հայ խաղաղ բնակիչներ վտարվել են իրենց տներից, 5000-ը սպանվել են, հարյուրավոր հայեր գերի են ընկել: Հրադադարին պետք է հետեւել»,- ասել է Ալեքսանդրը: «Երբ պետությունները խոսում են պատերազմի մասին, միշտ տառապում են այդ հողի վրա բնակվող մարդիկ, Արցախի ժողովուրդը»:

Ավստրալիայի Հայ դատի հանձնախմբի (ANC-AU) գործադիր տնօրեն Հայկ Կայսերյանը ողջունել է Ալեքսանդրի ելույթը.

«Հայերի դեմ 44-օրյա ահաբեկչություն սանձազերծելուց մեկ տարի անց Ադրբեջանը շարունակում է օկուպացնել Արցախը եւ ներխուժել Հայաստանի Հանրապետության տարածքներ։ Ահա թե ինչու է մեր համայնքը բարձր գնահատում պարոն Ջոն Ալեքսանդրի ելույթը Ավստրալիայի խորհրդարանում»,- հավելել է նա:

Այս շաբաթվա սկզբին Ավստրալիայի պաշտպանության նախկին նախարար, այժմ պատգամավոր Ջոել Ֆիցգիբոնը նույնպես կոչ է արել Ավստրալիայի կառավարությանը հրապարակայնորեն դատապարտել Ադրբեջանի ագրեսիան խաղաղ եւ ժողովրդավարական Արցախի Հանրապետության դեմ։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Երկու տարի առաջ Ալիևը համաձայնագիր է ստորագրել, որտեղ «Լեռնային Ղարաբաղ» անվանումը հիշատակվում է 5 անգամ. Մարուքյան
Ադրբեջանի պաշտպանության նախարարությունը Լեռնային Ղարաբաղում…
ՊԲ-ն օկուպացված տարածքներում ադրբեջանական դիրքերի ուղղությամբ կրակ չի բացել
Ադրբեջանի ՊՆ տարածած հաղորդագրությունն այն մասին, թե իբր ՊԲ...
Չենք կարող նախապես ասել, որ ԼՂ-ում խաղաղապահների մանդատը կերկարաձգվի․ ռուս քաղաքագետ
Նա հիշեցրեց, որ համաձայնագիրը ենթադրում է, որ կողմերն աջակցում են ռուսական ռազմական ․․․
Չավուշօղլուն հայտարարել է այսպես կոչված «Զանգեզուրի միջանցքի» ռազմավարական նշանակության մասին
Նա նշել է 2020 թվականին Արցախի դեմ ագրեսիայի արդյունքում Ադրբեջանի վերահսկողության տակ անցած տարածքներում․․․
Արցախի Մարտունու եւ Մարտակերտի շրջաններում ադրբեջանցիները թիրախավորել են գյուղաշխատանք կատարողներին
Առավոտյան հրադադարի պահմանման ռեժիմի խախտում է արձանագրվել նաև Մարտակերտի շրջանի…
«Վերականգնելու ԵԱՀԿ ՄԽ համանախագահների ձեւաչափը». ՀՅԴ Բյուրոյի ներկայացուցիչը հանդիպել է Արցախի ղեկավարության հետ
ՀՅԴ Բյուրոյի ներկայացուցիչը ողջունել է Ռուբեն Վարդանյանի պետնախարարի՝ պաշտոնում նշանակվելը եւ հույս ունել, որ նոր մոտեցումներով եւ ուժերի...
Ամենաշատ