Եվրոպայի ամենածանրաբեռնված կարճ հեռավորությունների ավելի քան մեկ երրորդը կենսունակ այլընտրանք ունի, որոնք շատ ավելի քիչ են աղտոտում միջավայրը: Այս մասին ասվում է Greenpeace բնապահպանական խմբի պատվերով կատարված հետազոտության մեջ, հայտնում է AP-ն։
Greenpeace-ը կոչ է արել եվրոպական կառավարություններին անցնել գնացքների, որպեսզի ավելի քիչ աղտոտող ինքնաթիռներ թռնեն մայրցամաքի վրայով: OBC Transeuropa-ի ուսումնասիրությունը ցույց է տվել, որ 150 ամենածանրաբեռնված կարճ թռիչքների 34 տոկոսն ո 6 ժամից պակաս տեւողությամբ այլընտրանքային տարբերակներ ունեն:
Հետազոտությունը բացահայտեց որոշ հատկապես խնդրահարույց օդային երթուղիները, որոնք, հեղինակների կարծիքով, կարող են տասնյակ անգամ ավելի շատ ածխաթթու գազ արտանետել, քան գնացքները:
Երթուղիները, այդ թվում՝ Մադրիդ-Բարսելոնա, Ֆրանկֆուրտ-Բեռլին եւ Բրյուսել-Ամստերդամ, գնացքով կարելի է անցնել երկու-չորս ժամվա ընթացքում, ասվում է հետազոտության մեջ: «Եվրոպան կարող է փոխարինել գրեթե բոլոր 250 հիմնական կարճ հեռավորությունների թռիչքները եւ տարեկան մոտ 23.4 միլիոն տոննա CO2 խնայել՝ նույնը, ինչ CO2-ի տարեկան արտանետումներն են Խորվաթիայում»,- հայտարարել են Greenpeace-ում:
Զեկույցում ասվում է, որ դա օգտակար կլինի, եթե Եվրամիության կառավարություններն ավելի շատ խթանեն գնացքներով ճանապարհորդությունները:
