Սկյութական ոսկու վերաբերյալ Ամստերդամի դատարանի որոշումը վտանգավոր նախադեպ է ստեղծում և կասկածի տակ է դնում թանգարանների միջեւ համագործակցության ապագա հեռանկարները։ Այս մասին ասվում է ՌԴ ԱԳՆ պաշտոնական ներկայացուցիչ Մարիա Զախարովայի՝ չորեքշաբթի օրը տարածված մեկնաբանության մեջ։
«Ամստերդամի վերաքննիչ դատարանի վճիռը չափազանց վտանգավոր նախադեպ է ստեղծում, որը խաթարում է վստահությունը տարբեր երկրների թանգարանային համայնքների միջեւ եւ կասկածի տակ է դնում միջթանգարանային համագործակցության ապագա հեռանկարները, այդ թվում՝ Ռուսաստանի եւ Նիդեռլանդների միջեւ։ Ցավալի է»,- նշել է նա:
Ամստերդամի դատարանը, որոշելով սկյութական ոսկին փոխանցել Ուկրաինային, առաջնորդվել է բացառապես քաղաքական դրդապատճառներով, ասել է Զախարովան։
