News
Լրահոս
News
Երկուշաբթի
Նոյեմբեր 29
Տեսնել լրահոսը


Այս պահին որևէ հանդիպում այդ ֆորմատով նապատեսված չէ: Այս մասին այսօր՝ հոկտեմբերի 27-ին, ԱԺ-Կառավարություն հարցուպատասխանի ընթացքում հայտարարեց արտաքին գործերի նախարար Արարատ Միրզոյանը՝ անդրադառնալով «Քաղաքացիական պայմանագիր» խմբակցության պատգամավոր Սոնա Ղազարյանի այն դիտարկմանը, որ մամուլում լուրեր են տարածվել այն մասին, որ նոյեմբերի 9-ին հանդիպում է նախատեսված ՀՀ վարչապետի և Ադրբեջանի նախագահի միջև:

«Շրջանառվում էր փաստաթղթերի մասին տեղեկատվություն, որ դրանք վերաբերելու էին դելիմիտացիային և դեմարկացիային, նաև՝ կոմունիկացիաներին»,-ասաց Ղազարյանը:

Միրզոյանը հայտարարեց. «Միևնույն ժամանակ, պարբերաբար, գրեթե մշտական բնույթով քննարկվում են տարբեր ֆորմատներով տարբեր հանդիպումների առաջարկներ, և, ենթադրաբար, այդպիսի հնարավոր հանդիպումների արդյունքում գուցե լինի համաձայնեցված որևէ տեքստի հրապարակում, բայց նաև անդրադառնալով եղած հրապարակումներին՝ ուզում եմ ասել, որ երկու քննարկված բովանդակությամբ փաստաթղթերի ստորագրում, անշուշտ, չի նախատեսվում: Ավելին, ասեմ, այդ հանդիպումները մեզ համար բազմաթիվ կիրառական նշանակություններ ունեն: Նախեւաաջ դրանք եւս մեկ անգամ հնարավորություն կարող են ստեղծել հասցեագրելու հետպատերազմյան հումանիտար խնդիրների ամբողջությունը եւ առաջին հերթին ռազմագերիների եւ քաղաքացիական անձանց հնարավոր շուտափույթ ազատ արձակումը, նաեւ Ադրբեջանի վերահսկողության տակ մնացած տարածքներում մշակութային հուշարձանների պաշտպանության հարցը եւ այլն»:

Միրզոյանը հավելեց, որ այդ հանդիպումները հնարավորություն են թուլացնելու լարվածությունը տարածաշրջանում և փորձելու ջանքեր գործադրել՝ ավելի երկարատև կայունություն և խաղաղություն ապահովելու ուղղությամբ. «Այդպիսի հանդիպումների առաջարկներ տարբեր ֆորմատներով կան, այդպիսի հանդիպումների արդյունքում սովորաբար լինում են համաձայնեցված տեքստերի հրապարակումներ: Այն, ինչ քննարկվել է մամուլում օրեր առաջ, որևէ այդպիսի բան նախատեսված չէ»,-ասաց նա:

ԱԳ նախարարն ընդգծեց՝ բանակցությունները ենթադրում են որոշակի գաղտնիություն, և հավելեց. «Ես ուզում եմ երեկվա, այսօրվա և վաղվա համար ասել, որ բոլոր այդ տեսակ, փակ դռների հետևում վարվող բանակցություններում, քննարկումներում, խոսակցություններում մեր դիրքորոշումները 100 տոկոսով համապատասխանում են մեր քաղաքական թիմի, ՀՀ վարչապետի և մյուսներիս կողմից հրապարակավ հայտնած դիրքորոշումներին, որևէ միլիմետր չեն նահանջում այդ դիրքորոշումներից և ավել էլ չեն»:

Հիշեցնենք՝ ըստ մամուլի հրապարակման՝ նոյեմբերին կայանալու են ՀՀ, ՌԴ, Ադրբեջան եռակողմ երկու հանդիպումներ, որոնց ընթացքում ստորագրվելու են երկու նոր համաձայնագրեր Ադրբեջանի տարածքային ամբողջականության ճանաչման, անկլավների հանձնման, ճանապարհների ապաշրջափակման և այլնի մասին:

Տպել