Ղարաբաղի՝ Բաքվի կողմից օկուպացված տարածքների 72 տոկոսը նախկին իշխանությունների օրոք սակարկության առարկա է եղել, եւ դուք հիանալի գիտեիք այդ մասին։ Այս մասին հոկտեմբերի 27-ին Ազգային ժողովի նիստում կառավարության ժամին, պատասխանելով պատգամավորների հարցերին, ասաց հանրապետության վարչապետ Նիկոլ Փաշինյանը։
Վարչապետի խոսքով՝ ընդդիմությունը լավ գիտեր, որ պատերազմում պարտությունը կհանգեցնի տարածքների կորստի։
«Ընդդիմությունը չգիտե՞ր, որ պատերազմն ավարտելու գինը նախկինում զբաղեցրած բոլոր տարածքները Բաքվին հանձնելու համաձայնությունն է։ Եթե դուք հիմա ասում եք, որ Ղարաբաղի տարածքների 72 տոկոսը օկուպացված է, որ մենք տվել ենք այս հողերը, ապա ինչո՞ւ չեք խոսում այն մասին, որ Ձեր կուսակցությունը 1998-2016 թվականներին բանակցել է վերը նշված տարածքների 70 տոկոսը Ադրբեջանին փոխանցելու վերաբերյալ: Դուք երբեք նման հայտարարությամբ հանդես չեք եկել», - դժգոհեց Փաշինյանը։
Նա նաեւ նշեց, որ ընդդիմությունը հարցեր է տալիս՝ քաջ գիտակցելով, որ դրանցից որոշներին բավականին դժվար է բաց պատասխանել։
