Թուրքական լիրան մինչեւ մարտ կհանսի պատմական նվազագույն ցուցանիշի՝ մեկ դոլարի դիմաց 11-ի՝, քանի որ Կենտրոնական բանկը նախատեսում է հետագայում նվազեցնել տոկոսադրույքները «դրամավարկային քաղաքականության վտանգավոր փորձարկման» շրջանակներում: Այդ մասին հայտարել է Commerzbank-ի վերլուծաբան Տախա Ղոսը:
Երկուշաբթի օրը լիրան հասել է ռեկորդային նվազագույնի՝ 9.85 դոլար՝ այս տարի կորուստները հասցնելով գրեթե 25 տոկոսի: Դրանից հետո այն փոքր-ինչ վերականգնվել է՝ հինգշաբթի մեկ դոլարի դիմաց 9.52 դոլար մակարդակում:
Թուրքիայի կենտրոնական բանկը վերջին երկու ամսում նվազեցրել է իր հենանիշային տոկոսադրույքը 3 տոկոսային կետով՝ մինչեւ 16 տոկոս՝ չնայած գնաճի արագացմանը՝ գործելով նախագահ Ռեջեփ Թայիփ Էրդողանի՝ փոխառությունների ծախսերը նվազեցնելու հանձնարարականով։
Էրդողանն ասում է, որ ցածր տոկոսադրույքները կօգնեն նվազեցնել գնաճը, որը մոտ 20 տոկոս է կազմում:
Commerzbank-ը հայտարարել է, որ Կենտրոնական բանկի փաստարկը, որ գնաճը ժամանակավոր է, կիրառելի չէ Թուրքիայի համար, որն ավելի քան մեկ տասնամյակ բարձր գնաճ է ապրում: «Անընդհատ արժեզրկվող լիրան հիմնական մեղավոր է ճանաչվել»,- ասել է Ղոսը: «Լիրայի արժեզրկման այս վերջին փուլը նաեւ գնաճի բարձրացման կհանգեցնի եւ գնաճի եւ փոխարժեքների ծանոթ պարույրին կդիմի, որը, ամենայն հավանականությամբ, ի վերջո տոկոսադրույքների կրճատման կհանգեցնի եւ կստիպի նորից բարձրացնել տոկոսադրույքները»:
