Ադրբեջանական զինուժը փորձում է ինժեներական ամրություններ կառուցել Հայաստանի ինքնիշխան տարածքում: Այս մասին Ազգային ժողովի նիստին հոկտեմբերի 28-ին «Պետական սահմանի մասին» օրենքում լրացումներ կատարելու մասին օրինագծի քննարկման ժամանակ ասաց Հանրապետության պաշտպանության փոխնախարար Արման Սարգսյանը։
Փոխնախարարն ընդգծեց, որ նրանք ապօրինի են ներթափանցել այնտեղ։
«Խոսքը, մասնավորապես, Հայաստանի Գեղարքունիքի մարզի մասին է, այն սահմանամերձ շրջանների, որտեղ մայիսի 12-ից տեղակայված են ադրբեջանցի զինվորականները։ Ադրբեջանական կողմից պարբերաբար ծանր ինժեներական տեխնիկայի կիրառման, իրենց մարտական դիրքեր տանող ճանապարհներ հարթելու փորձեր են արվում։ Այնուամենայնիվ, մեր կողմից այդ բոլոր փորձերը կանխվում են, եւ այդ մասին բազմիցս ասվել է»,- ասաց Սարգսյանը։
