Apple-ի նոր սմարթֆոնները վեց ամսից կէժանանան գրեթե 10 տոկոսով։ Այս մասին ասվում է iPrice գործակալության զեկույցում։
Մասնագետները վերլուծել են Apple-ի սմարթֆոնների տարբեր մոդելների արժեքը եւ պատմել, թե ինչ ժամանակահատվածից հետո եւ քանի տոկոսով է նվազել սարքերի արժեքը։ Հեղինակները iPhone գնելու լավագույն ժամանակ համարել են գարունը՝ սմարթֆոնների թողարկումից մոտ վեց ամիս անց դրանց գները նվազում են։
Իրենց ուսումնասիրության ընթացքում հեղինակները վերցրել են Apple սարքերի 256 գիգաբայթ կուտակային հզորությամբ մոդելներ: Մասնագետների կարծիքով՝ iPhone 13-ի թողարկումից վեց ամիս անց այն կէժանանա յոթ տոկոսով։ Այսպիսով, եթե սարքն այժմ վաճառքում առկա էլ 1085 դոլարով, ապա վեց ամսից կհայտնվեն առաջին զեղչերը, եւ սմարթֆոնը կարժենա 1012 դոլար։ 12 ամիս անց iPhone 13-ը հասանելի կլինի 995 դոլարով։
Մասնագետները նաեւ հաշվի են առել iPhone X, Xs, 11 եւ 12 սմարթֆոնների գների դինամիկան։ Պարզվել է, որ թողարկումից վեց ամիս անց այդ սարքերը էժանացել են համապատասխանաբար 10, 7, 4 եւ 12 տոկոսով։
2020 թվականի աշնանը Wave7 Research-ի մասնագետներն ասել են, որ սեպտեմբերը iPhone գնելու ամենավատ ժամանակն է։ Դա պայմանավորված է նրանով, որ անցյալ սերունդների Apple սմարթֆոնները դեռ չեն հասցրել երկրորդական շուկայում էժանանալ։