ԱՄՆ նախագահ Ջո Բայդենի վարչակազմը դիտարկում է ԱՄՆ հարավային սահմանը հատած միգրանտներին փոխհատուցում վճարելու հարցը, որոնց ընտանիքները բաժանվել են նախկին նախագահ Դոնալդ Թրամփի վարած միգրացիոն քաղաքականության արդյունքում։

Ինչպես հայտնում է Wall Street Journal-ը՝ վկայակոչելով աղբյուրներին, վճարումների ընդհանուր գումարը կարող է հասնել ավելի քան 1 մլրդ դոլարի։ Թերթի տվյալներով՝ Արդարադատության նախարարությունը, ԱՄՆ ներքին անվտանգության նախարարությունը եւ ԱՄՆ առողջապահության եւ մարդկային ծառայությունների նախարարությունը աշխատում են փոխհատուցման պլանի վրա։

Ինչպես նշվել է, տուժած ընտանիքի յուրաքանչյուր անդամին կարող է վճարվել մինչեւ 450 հազար դոլար՝ կախված հանգամանքներից։ Այս պահին շուրջ 940 միգրանտ ընտանիք է դիմել։ Ինչպես հավելում է թերթը՝ վկայակոչելով American Civil Liberties Union իրավապաշտպան կազմակերպությանը, որը ներկայացնում է ընտանիքների, շուրջ 5500 փախստական ​​երեխաներ բաժանվել են ծնողներից՝ Թրամփի քաղաքականության արդյունքում։