ԱՄՆ Օկլահոմա նահանգի իշխանությունները մահապատժի են ենթարկել դատապարտյալին. վեց տարվա մեջ առաջին անգամ։ Հոկտեմբերի 28-ին մահապատժի է ենթարկվել Ջոն Գրանտը, ով ավելի վաղ դիմել էր ժամկետը կարճելու մասին։ Այս մասին հայտնել է նրա փաստաբան Սառա Ջերնիգանը, փոխանցում է ՏԱՍՍ-ը։
«Ջոն Գրանտը ստանձնել է Գեյ Քարթերի սպանության ողջ պատասխանատվությունը եւ տարիներ անց մահապատժի ենթարկվեց։ Նա փորձում էր գիտակցել եւ քավել իր մեղքը ավելի շատ, քան ցանկացած այլ հաճախորդ, ում հետ ես աշխատել եմ»,-ասել է փաստաբանը: Դատապարտյալը սպանել է բանտի աշխատակցին, դատապարտել մահապատժի, եւ սա առաջին դեպքն էր 2015 թվականից ի վեր։
Ինչպես նշում է գործակալությունը՝ հղում անելով 2NewsOklahoma հեռուստաալիքին, Գրանտին ներարկվել է միդազոլամ դեղամիջոցը, որի մասին բանավեճ է ընթանում, եւ հասարակական ընդվզում կա դրա օգտագործման էթիկայի վերաբերյալ։ Բարենպաստ սցենարի դեպքում դատապարտյալն անմիջապես կորցնում է գիտակցությունը, իսկ մի քանի րոպե անց բժիշկը հայտարարում է մահ։ Այնուամենայնիվ, կա առնվազն երեք նախադեպ, երբ դատապարտյալները երկարատեւ հոգեվարքի են ենթարկվել, ինչպես, օրինակ, Քլեյթոն Լոքեթը 2014-ին, նա մահացավ հոգեվարքի մեջ ներարկումից մեկ ժամ անց: Ականատեսների վկայությամբ՝ Ջոն Գրանտը թմրանյութի ներարկումից մոտ 20 րոպե անց ցնցումների է ենթարկվել։ Փաստաբանն ասել է, որ այդ մահապատիժը «ողբերգական կյանքի վերջին անարդարությունն էր»:
