News
Լրահոս
News
Հինգշաբթի
Փետրվար 29
Տեսնել լրահոսը


Ակնհայտ է, որ այսօրվա Թուրքիան տարբերվում է 5-10 տարի առաջվա Թուրքիայից՝ իր ներգրավվածությամբ միջազգային և տարածաշրջանային պրոցեսներում, ավելի ավելի միլիտարիզացված է, ագրեսիվ է, ավելի անպատիժ է այսօր Թուրքիան։ Այս մասին այսօր՝ հոկտեմբերի 29-ին, «Կորսված հաղթանակ. Դավաճանություն թե անգրագիտություն» թեմայով համաժողովի ժամանակ հայտարարեց Ամերիկյան հետազոտությունների հայկական կենտրոնի հիմնադիր Սուրեն Սարգսյանը՝ անդրադառնալով ԱՄՆ-ի գործողություններին պատերազմից առաջ։

«Թուրքիան ԱՄՆ-ի համար միշտ այս տարածաշրջանում ընկալվել է որպես ռազմավարական դաշնակից եւ գործընկեր, բայց որոշ վերապահումներով: Հայ-թուրքական հարաբերությունները Վաշինգտոնի համար միշտ եղել է առաջնահերթություն, քանի որ ԱՄՆ-ն հաշվարկում էր մեր տարածաշրջան իր ազդեցությունը կարող է ներս բերել Թուրքիայի դարպասներով: Հիմա հասկանում են, որ դա անհնար է»,-ասաց նա և նշեց, որ կա ընկալում, թե Թուրքիան ամերիկացիների համար որպես անառակ որդի է, որը հեռացել է, բայց վերադառնալու է։

Սուրեն Սարգսյանի խոսքով, հայ-թուրքական հարաբերությունների կարգավորումը ԱՄն-ի համար նշանակում էր ռուսական գործոնի թուլացում, բաց սահմաններ. «Այսինքն եթե հարաբերությունները կարգավորվում են, Ղարաբաղի հարցը ինչ-որ կերպ լուծվում է, լեգիտիմ հարց է ծագելու, թե այստեղ ի՞նչ է անում ռուսական ռազմաբազան»:

Ինչ վերաբերում է պատերազմի օրերին, փորձագետը նշեց, որ ԱՄՆ-ն պատերազմի օրերին բավականին ծանր վիճակում էր գտնվում՝ պայմանավորված կորոնավիրուսով և ընտրություններով։

«Այս ծանր պայմաններում ԱՄՆ-ն հաստատ չէր մտածելու Հայաստանի մասին»,-ասաց նա և նկատեց, որ ԱՄՆ-ն չէր խանգարում Մոսկվային:

Միջազգայնագետը նշեց, որ ընդհանրապես պատերազմը ռազմական գործողություններ են, ռազմական բախում և դիվանագիտություն։

«Եթե ուզում ես պատերազմում պարտվել, ապա պետք է նախ բանակդ կազմաքանդես, հետո ԱԳՆ-ն, և ապահովված է քո պարտությունը։ Մեզ մոտ շատ տիպիկ իրավիճակ էր այդ առումով, և այդ պրոցեսը շարունակվում է»,-ասաց նա։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ալեն Սիմոնյանը չբացառեց, որ 2020-ի պատերազմն սկսվել է Ռուսաստանի ու Ադրբեջանի պայմանավորվածությամբ
Ժողովրդական լեզվով ասած՝ Հայաստանը Թուրքիայից ու Ադրբեջանից ավելի ուժեղ...
Անհայտ կորած 25 զինծառայողների հարազատները մարտ-ապրիլի համար ևս կստանան 300-հազարական  դրամ աջակցությունը
Որոշման նախագծի ընդունման դեպքում շահառու հանդիսացող թվով 25 անհայտ կորած…
44-օրյա պատերազմում 18 զինծառայողի մահվան մեջ մեղադրվող փոխգնդապետի գործով ավելի քան 2.5 տարի տևած քննությունը կվերսկսվի
Գործն արդեն քննության փուլում էր, մոտենում էր ավարտին, սակայն 2023թ․ հուլիսին դատավորի լիազորությունների դադարեցումից…
ԿԽՄԿ պատվիրակությունն Ադրբեջանում մեկ տարում փոխանցել է 1 600 տեղեկություն հայ գերիներից
ԿԽՄԿ-ն անցած տարի իրականացրել է 80 այցելություն գերիների պահման վայրեր...
Սեպտեմբերի 19-ի ռազմական գործողությունների հետևանքով գերության մեջ է հայտնվել 16 անձ
Ադրբեջանը շարունակում է պատանդառության մեջ պահել 23 անձի, որոնցից 16-ը գերության մեջ են հայտնվել սեպտեմբերի 19-ի ռազմական գործողությունների...
44-օրյա պատերազմում վիրավորված Աբիգ Մարգարյանը բուժում կստանա Մոսկվայում. կառավարությունը հատկացրեց 4,2 մլն դրամ
Կառավարությունն իր այսօրվա՝ փետրվարի 23-ի նիստում որոշեց պահուստային…
Ամենաշատ