News
Լրահոս
News
Հինգշաբթի
Հունիս 30
USD
408.31
EUR
429.75
RUB
7.83
Տեսնել լրահոսը


Իշխանությունը 44-օրյա պատերազմի հանգամաները քննող խորհրդարանական հանձնաժողով չի ձևավորում, որովհետև շատ լավ տեսնում է, որ ընդդիմությունը վճռական է տրամադրված և հանձնաժողովի շրջանակում օգտվելու է իր իրավունքից՝ պահանջել և ստանալ ցանկացած փաստաթուղթ, պահանջել և լսել ցանկացած պաշտոնատար անձի, տալ հարցեր, տեսաձայնագրել հարցաքննությունները: Այս մասին այսօր՝ հոկտեմբերի 29-ին, «Կորսված հաղթանակ. Դավաճանություն թե անգրագիտություն» թեմայով համաժողովի ժամանակ հայտարարեց «Հայաստան» խմբակցության պատգամավոր Արթուր Ղազինյանը:

«Իշխանության հիմքերը պայթեցնող բոլոր ռումբերը այդ հանձնաժողովի տակ են գտնվում, դրա համար իրենք այդ հանձնաժողովը չեն ստեղծելու»,- հավելեց նա ու հստակեցրեց, թե ինչ կարևոր փաստաթղթեր պետք է հանձնվեն հանձնաժողովի անդամների ուսումնասիրությանը։

«Եթե ստեղծվի քննիչ հանձնաժողով, ապա մեկ քառորդի պահանջով հանձնաժողովին պետք է ներկայացնեն սեպտեմբերի 20-ից մինչև 27-ն ընկած ժամանակահատվածում ռազմական հետախուզության բոլոր զեկուցագրերը։ Հանձնաժողովին պետք է ներկայացվի ՊՆ-ի զեկուցագիրը վարչապետ Նիկոլ Փաշինյանին՝ սպասվող պատերազմի մասին։ Հանձնաժողովին պետք է ներկայացվեն ԳՇ պետի կողմից այդ ընթացքում ընդունված որոշումները․ ի՞նչ է ուղարկվել, ի՞նչ հրաման է արձակվել ՀՀ ԶՈՒ-ին, այսինքն՝ բանակային կորպուսներին։ Տրվե՞լ է արդյոք համար մեկ մարտական պատրաստականություն և տրվե՞լ է արդյոք հրաման՝ ծավալել զորքը, թե՞ ոչ»,- ասաց պատգամավորը։

Արթուր Ղազինյանը շեշտեց, որ զորքը ծավալելու հրամանի մասին տեղեկատվությունը ամենակարևորներից է՝ պաշտոնապես արձանագրելու համար, թե ինչ հետևանք է ունեցել այդ հրամանի առկայությունը կամ գոյություն չունենալը պատերազմի վերջնական ելքի վրա։

«Եթե ՀՀ զինված ուժերը Գլխավոր շտաբի պետի հրամանով ծավալվեին, և մենք սեպտեմբերի 27-ին թշնամուն իրապես դիմավորեինք պատրաստ վիճակում, ես հավաստիացնում եմ, պատերազմը կկանգներ 7-րդ օրը՝ Ադրբեջանի պարտությամբ։ Զորքը չի՛ ծավալվել, գտնվել է զորանոցում, զենքը դուրս չի՛ բերվել զինապահեստից, գտնվել է զինապահեստում, թշնամուն հայտնի են եղել ՀՕՊ համակարգի բոլոր լոկացիաները»,- ասաց Արթուր Ղազինյանը։

Նա հայտարարեց նաև, որ ի թիվս այլ խնդիրների, տեղի չի ունեցել նաև ԶՈՒ-ի համալրում։

«Այսպիսի «գրագիտությամբ» դավաճանությունը պետք է մտնի համաշխարհային պատմության դասագրքերի մեջ»,- ասաց պատգամավորը։

Տպել
Կարդացեք նաև
Ամբողջը
Անհետ կորածներից շատերը գերության մեջ են․ որոշ դեպքերում զոհվածների մասունքները թաքցվում են․ հայտարարություն
Իսկ ԴՆԹ փորձաքննության արդյունքները կասկածելի են...
Դուք 18 տարեկան տղերքին կթողեիք, կփախչեի՞ք մարտի դաշտից. զոհվածների ծնողները՝ ԳՇ գնդապետին
Ուսումնական գումարտակները մարտական պատրաստության բարձր աստիճանների բերելուց…
Հենց Փաշինյանն է մեր պետականության ու ինքնիշխանության տակ դրված ռումբը. Վահե Հակոբյան
Ասուլիսի կազմակերպման նպատակը որոշակի մեսիջներ հանրությանը հասցնելն էր․․․
Թուրքիան և Ադրբեջանը օգտագործում են միջազգային բարենպաստ իրավիճակը, որ լեգիտիմություն հաղորդեն իրենց ծրագրին. Արաբագետ
Ե՛վ Ադրբեջանը, և՛ Թուրքիան ձգտում են ստանալ մի ճանապարհ, որը դուրս կլիներ որևէ երրորդ դերկատարի վերահսկողությունից...
Ալիեւը պնդում է, որ «Զանգեզուրի միջանցքն» այլեւս «իրականություն» է
«Ադրբեջանը սկսել է լայնածավալ աշխատանքներ իրականացնել Ղարաբաղի եւ Արեւելյան Զանգեզուրի վերականգնման...
Վարդենիս - Քարվաճառ հատվածում գործող բիզնեսներին Կառավարությունը միայնակ է թողել․ Թագուհի Թովմասյան
Քարվաճառի հանձնումից մոտ 1,5 տարի է անցել, իսկ քաղաքացիների ահազանգերին լուծում չկա...
Ֆոտոռեպորտաժներ