Կամչատկայի Կարիմսկի հրաբուխը մոխրի սյուն է արտանետել 2500 մետր բարձրության վրա, հայտնում է «ՌԻԱ Նովոստի»-ն՝ վկայակոչելով տարածաշրջանային ԱԻՆ կայքը։
«Ըստ Կամչատկայի հրաբխի ժայթքումների արձագանքման խմբի (KVERT)` 2021 թվականի հոկտեմբերի 30-ի կեսօրին մոխրի արտանետում է գրանցվել Կարիմսկի հրաբխից: Մոխրի սյան բարձրությունը եղել է մինչեւ 2500 մետր, իսկ բուն հսկայի բարձրությունը՝ 1469 մետր»,- ասվում է հաղորդագրության մեջ։
Նշվում է, որ մոխիրը տարածվում է դեպի արեւելք՝ դեպի Կրոնոցկի ծովածոց։ Դրա ճանապարհին բնակավայրեր չկան։
«Բնակավայրերում մոխրի արտահոսք չի գրանցվել։ Հրաբխի տարածքով ինքնաթիռների շարժման միջազգային երթուղիներ չեն անցնում։ Այնտեղ զբոսաշրջային խմբեր չկան»,- նշել են Արտակարգ իրավիճակների նախարարությունից։
Կարիմսկի հրաբուխը գտնվում է Կամչատկա թերակղզու արեւելյան մասում՝ Պետրոպավլովսկ-Կամչատսկից 115 կիլոմետր հեռավորության վրա։
