Ռուսթավիի թիվ 12 բանտի շենքի մոտ, որտեղ գտնվում է նախկին նախագահ Միխեիլ Սաակաշվիլին, ոստիկաններով ավտոբուս եւ շտապօգնություն է մոբիլիզացվել, հայտնում է «Sputnik Գրուզիա»-ն։
Ըստ նախնական տեղեկությունների՝ բանտի ղեկավարությունը պատրաստվում է քաղաքական գործչին բանտային հիվանդանոց տեղափոխել, սակայն դրա պաշտոնական հաստատում չկա։
Նախօրեին Վրաստանի արդարադատության նախարարության ղեկավար Ռատի Բրեգաձեն ասել էր, որ անհրաժեշտության դեպքում գերատեսչությունը Սաակաշվիլիին կլինիկա կտեղափոխի ուղղաթիռով, սակայն այժմ հոսպիտալացման կարիք չկա։
Վրաստանի պետանվտանգության ծառայությունն ուրբաթ հայտարարել էր մոտալուտ հեղաշրջման մասին, ըստ որի առանձին անձինք պատրաստվում էին խոչընդոտել Վրաստանի նախկին նախագահի` բանտային կլինիկա կամ մեկ այլ բանտ տեղափոխմանը եւ դրանով իսկ երկրում քաոս եւ անկարգություններ հրահրել: