Վերջերս հրապարակված ջերմոցային գազերի արտանետումների մասին ամենամյա զեկույցի համաձայն՝ 2020 թվականին СО2-ի կոնցենտրացիան հասել է 413,2 ppm-ի: Աճի ամենամյա տեմպերը գերազանցում են 2011-2020 թվականների միջին ցուցանիշը, հաղորդում է «Վոկրուգ սվետա» ճանաչողական հարթակը՝ հղում անելով ԱՀԿ-ի տվյալներին:
Փորձագետները նշում են, որ մթնոլորտում ածխաթթու գազի կոնցենտրացիան աճել է 49 տոկոսով՝ ի տարբերություն 1750 թվականի, այսինքն՝ արդյունաբերական հեղափոխությունից հետո: Մեթանի կոնցենտրացիան ավելացել է 162 տոկոսով, իսկ ազոտի օքսիդինը՝ 23 տոկոսով:
Համաշխարհային օդեւրեւութաբանական կազմակերպության տվյալներով՝ չնայած COVID-19-ի հետեւանքով տնտեսական աճի հապաղումը հանգեցրել է նոր արտանետումների ժամանակավոր նվազմանը՝ դա զգալի ազդեցություն չի ցուցաբերել մթնոլորտում ջերմոցային գազերի մակարդակի եւ դրանց աճի տեմպի վրա:
