Վերջին 24 տարիների ընթացքում ավելի քան 50 իսրայելցի բարձրաստիճան հրամանատարներ ՆԱՏՕ-ի հովանու ներքո եւ Թուրքիայի հետ սերտ համագործակցությամբ կարողացել են վերակառուցել եւ կազմակերպել Ադրբեջանի ռազմական կառույցը։ Այս մասին Jerusalem Post-ին տված հարցազրույցում ասել է Մոսադի նախկին բարձրաստիճան աշխատակից եւ ազգային անվտանգության հարցերով խորհրդական Ուզի Արադը։
«Մոսադի սպաների տեղակայումը ԿՀՎ-ի եւ ՀԴԲ-ի գործակալների հետ Ադրբեջանի անվտանգության ծառայության շենքի նույն հարկում նախադեպը չունի որեւէ այլ երկրում։ Նկատի ունեցեք, որ այն ամենը, ինչ նշեցի, այլեւս գաղտնիք չէ։
Իհարկե, կան բաներ, որոնք մենք չենք կարող քննարկել։ Ադրբեջանին ռազմական զենքի վաճառք, անօդաչու թռչող սարքերի արտադրության առաջադեմ գործարանների կառուցում, Ադրբեջանի բարձրաստիճան զինվորականների համար 146 վերապատրաստման դասընթացների անցկացում եւ մի քանի ամենամյա գաղտնի համատեղ զորավարժություններ Կասպից ծովում, Ադրբեջանի հարավում եւ Հայաստանի հետ սահմանի երկայնքով, Թել Ավիվի եւ Բաքի միջեւ համագործակցության հիմնական ուղղությունների թվում։ Կարո՞ղ եք նշել որեւէ երկիր, որի հետ մենք նման հարաբերություններ ենք ունեցել»,-նշել է նա։
Պատասխանելով հարցին, թե «որքանո՞վ ենք մենք ազդեցիկ նրանց ներքաղաքական որոշումներում», Արադն ասել է. «Բաքվում ԱՄՆ-ի, Մեծ Բրիտանիայի եւ Իսրայելի դեսպանատները ներկայացնում են կոալիցիա, որը հետապնդում է նույն նպատակները վերջին 20 տարիների ընթացքում։ Ադրբեջանում կոալիցիայի գերակայությունը եւ Բաքվի պաշտոնյաների քաղաքական որոշումները նման են Արեւմտյան ափում Իսրայելի գերակայությանը այն տարբերությամբ, որ Մահմուդ Աբասի փոխարեն Ադրբեջանի վարչակազմը ղեկավարում է քաղաքակիրթ մարդ Իլհամ Ալիեւ անունով»:
