News
Լրահոս
News
Ուրբաթ
Մարտ 29
Տեսնել լրահոսը

Լուսինը նորից հետաքրքրությունների կիզակետում է։ Վերջերս Ավստրալական տիեզերական գործակալությունը հայտարարել է NASA-ի հետ համատեղ ծրագրի մասին, որի շրջանակում 2026թ. Լուսին կուղեւորվի ռովեր, բայց ավստրալական մասնավոր ընկերության մասնակցությամբ ստեղծված սարքը կարող է երկու տարով առաջ անցնել դրանից։ Ռոբոտը Լուսնի մակերեսին ջուր է փնտրելու, ինչը կօգնի ապագա հետազոտություններում։ Այս մասին տեղեկացնում է 3dnews.ru-ն՝ հղում կատարելով extremetech.com-ին։

Լուսնագնացը բավական կոմպակտ է. դրա չափսերը կազմում են 60 × 50 × 50 սմ, քաշը՝ 10 կգ։ Այն Լուսնի մակերես կուղեւորվի Hakuto մոդուլով։ Ե՛վ ռովերը, ե՛ւ մոդուլը ստեղծվել են ճապոնական մասնավոր ispace աերոտիեզերական ընկերության կողմից։ Սարքը կունենա ռոբոտացված մանիպուլյատոր, որը ստեղծում են կանադական Stardust Technologies եւ ավստրալական EXPLOR Space Technology ընկերությունների ինժեներները։ Մանիպուլյատորն ունի խցիկներ եւ սենսորներ, որոնց մի մասը կարող է «տակտիլ» տվյալներ հավաքել։ Գաղափարն այն է, որ համակարգը տվյալներ կուղարկի Երկիր, որտեղ օպերատորը հատուկ սենսորային ձեռնոցի օգնությամբ կկարողանա «շոշափել» այն ամենը, ինչին կհպվի ռոբոտը։ Խցիկները թույլ կտան նկարահանում իրականացնել վիրտուալ իրականության վիզուալացման համար։

Ներկայում սարքը ստեղծողները թեստավորում են մանիպուլյատորի չափերը։ Հենց որ կառույցի տարբերակներից մեկը հաստատվի, այն կտեղադրեն ռովերում։ Այնուհետեւ EXPLOR Space Technologies-ը լիովին կթեստավորի հավաքված սարքը Ավստրալիայում։ Փորձարկումների ընթացքում կվերարտադրվեն լուսնային պայմանները, որքանով որ դա հնարավոր է, որպեսզի առաքելության ժամանակ մեքենան կարողանա աշխատել հաստիքային ռեժիմով եւ դրա հետ մեկտեղ պահպանել կապը Երկրի հետ։

Հաշվի առնելով, որ Լուսինը իսկապես նորից հետաքրքրությունների կիզակետում է, ճշգրիտ երկրաբանական տվյալների առկայությունը կօգնի երկարաժամկետ առաքելությունները դարձնել ավելի հավանական։ Տիեզերական գործակալությունները ստեղծում են տեղի ռեսուրսների օգտագործման տարբերակներ ենթակառուցվածքային օբյեկտների կառուցման համար, կամ սննդամթերքի աճեցման հնարավորություններ։ Դա կօգնի նվազեցնել Երկրից ուղարկվող բեռների զանգվածը, քանի որ դրանց տեղափոխումը չափազանց թանկ է։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Պետք է ՄՏԿ-ում ուշադիր լինել բելառուսուհու հանդեպ, որպեսզի ամերիկացիները չառեւանգեն. Լուկաշենկո
Լուկաշենկոն խնդրել է ռուս տիեզերագնացին...
Bild. Հայաստանում գերմանացիները սկաֆանդրներ և տիեզերական ռոբոտներ են փորձարկում Ադրբեջանի և Թուրքիայի հետ սահմանին
Մասնագետների գնահատմամբ՝ մոտ 15 տարի կանցնի, մինչև մարդիկ առաջին անգամ ոտք դնեն Մարս...
Պուտինը հանձնարարել է զբաղվել տիեզերքում միջուկային էներգետիկ կայանք տեաղկայելու ծրագրով
Նա ասել է, որ Ռուսատանը մեծ կարողություններ ունի այս ոլորտում․․․
Չինաստանը եւ Ռուսաստանը պատրաստվում են ատոմային էլեկտրակայան կառուցել Լուսնի վրա
Չինաստանը եւ Ռուսաստանը քննարկում են Լուսնի վրա ատոմակայան կառուցելու հնարավորությունը...
Հայտնաբերվել է ավելի քան 13 միլիարդ տարեկան ամենահին աստղային կուտակումը. Nature
Թվում է, թե ամեն ինչ ավելի արագ և կտրուկ է տեղի ունեցել վաղ Տիեզերքում, և դա կարող է ներառել...
Երեւանում կայացել է Հայաստանի տիեզերական ներուժի եւ ապագայի մասին թեմատիկ երեկո
Հեռուստապոեմը ներկայացնում է նաեւ AMADEE-24-ի նախապատմությունը եւ թե ինչպես է ավստրիական տիեզերական ֆորումը Մարս մոլորակի սիմուլյացիոն առաքելությունը...
Ամենաշատ