Հայկական աէկը հնարավոր ռազմական հարձակումներից պաշտպանելու բավականին կարեւոր գործիքակազմ կա։ Այս մասին նոյեմբերի 16-ին Հայկական աէկ կատարած այցի ժամանակ լրագրողների հետ զրույցում հայտարարեց տարածքային կառավարման եւ ենթակառուցվածքների նախարար Գնել Սանոսյանը։
Այս գործիքակազմը, նրա խոսքով, մշտապես կատարելագործվում է՝ հաշվի առնելով նաեւ հնարավոր արտաքին սպառնալիքները։
Նա հավելեց, որ նոր ատոմակայանի անվտանգության մակարդակը կհամապատասխանի էլ ավելի խիստ չափանիշների։
«Ինչ վերաբերում է 44-օրյա պատերազմի ընթացքում ռազմավարական օբյեկտների վրա Ադրբեջանի հարձակումներին, ապա դրանք արժանի են դատապարտման, եւ որոշ երկրներ դատապարտել են այդ գործողությունները։ Որքան գիտեմ, այդ կապակցությամբ Ադրբեջանի կողմից նման գործողությունների դեմ դատական հայցեր են ներկայացվել միջազգային ատյաններ»,- ասաց Գնել Սանոսյանը։