News
Լրահոս
News
Երկուշաբթի
Մայիս 23
USD
458.98
EUR
485.74
RUB
7.81
Տեսնել լրահոսը

Կառավարությունն իր այսօրվա՝ նոյեմբերի 18-ի նիստում ՏԻՄ ընտրություններին ընդառաջ, 462,25 մլն դրամ հատկացրեց 4 մարզերի 4 համայնքներում 4 սուբվենցիոն ծրագրերի իրագործման համար:

ՏԿԵ նախարար Գնել Սանոսյանը նշեց, որ համայնքներն այդ ծրագրերով իրենց մասնաբաժինը կատարել են, հիմա պետական մասնաբաժնի իրականացման հերթն է:

Նա տեղեկացրեց, որ Արագածոտնի մարզում մեկ ծրագիր է՝ 5 մլն դրամ, Գեղարքունիքում  մեկ ծրագիր է՝ 7 մլն, Լոտռու մարզում մեկ ծրագիր է՝ 5,2 մլն եւ Շիրակի մարզում մեկ ծրագիր՝ 441 մլն դրամի:

«Այս վերջին ծրագիրը Գյումրի քաղաքին է վերաբերում: Ծրագիրը 881 մլն դրամ արժողություն ունիԳյումրիում ձեռք է բերվում 63 միկրոավտոբուս, որպեսզի ներքաղաքակային ամբողջ ավտոբուսային պարկը թարմացնենք: Ծրագրի 50 տոկոսը վճարում է Գյումրիի համայնքապետարանը, մյուս 50 տոկոսը՝ կառավարությունը»,-ասաց Սանոսյանը:

Իր հերթին վարչապետ Նիկոլ Փաշինյանն ասաց, որ ընդհանուր առմամբ 2021 թվականին 47 մլն սուբվենցիոն ծրագիր է իրականացվում, իսկ 2018-ից ի վեր շուրջ 80 մլրդ դրամի սուբվենցիոն ծրագիր է իրականացվել. «Բացի դրանից կառավարությունը նաեւ ուղիղ ներդրումներով է ծրագրեր իրականացրել համայնքներում: Միայն ուղիղ ծրագրերով 2018-ից ի վեր համայնքներին տրվել է շուրջ 86 մլրդ դրամ: Այսինքն ստացվում է, որ սուբվվենցիոն ծրագրերով եւ ուղիղ ներդրումներով, մենք շուրջ 400 մլն դոլարի ներդրում ենք արել համայնքներում:

2022-ի բյուջեի նախագծով նախատեսել ենք, որ այդ ներդրումների ծավալները պետք է էականորեն մեծանան: Սա շատ կարեւոր արձանագրում է: Ծրագրեր ենք իրականացրել ճանապարհաշինության, դպրոցաշինության, կրթության, ջրային ենթակառուցվածքների վերանորոգման ոլորտներում»,-ասաց Փաշինյանը:

Հիշեցնենք, որ դեկտեմբերի 5-ի Արագածոտնի, Արարատի, Արմավիրի, Գեղարքունիքի, Լոռու, Կոտայքի, Շիրակի, Վայոց ձորի և Տավուշի մարզերի համայնքներում կացկացվեն ավագանիների հերթական ընտրությունները:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ղազախական «FlyArystan»-ը թռիչքներ կիրականացնի Ալմաթիից Երևան
Ուրախությամբ տեղեկացնում ենք Ալմաթի-Երևան նոր ուղղությամբ թռիչքի մասին…
Դոլարի փոխարժեքը նվազել է եւս 5 դրամով. Եվրոն էժանացել է 6 դրամով
ԱՄՆ դոլարի փոխարժեքն այսօր՝ մայիսի 13-ին, կազմել է…
Պատրաստ ենք Հայաստանում նոր ծրագրեր իրականացնել. Կոնրադ Ադենաուեր հիմնադրամի տարածաշրջանային ծրագրի նորանշանակ ղեկավար
Փոխվարչապետ Մաթևոսյանն ընդունել է Կոնրադ Ադենաուեր հիմնադրամի տարածաշրջանային ծրագրի նորանշանակ ղեկավարին…
Սեւանում ջրի սակավությունը մոտ 300 մլն խմ է. Գյուղատնտեսության նախկին փոխնախարար
«Նախ պետք է 100 տոկոսով լցնել ջրամբարները եւ նոր մտածել ՀԷԿ-ի շահագործման մասին...
Այս տարի տեղական արտադրության պարենի գները կշարունակեն բարձրանալ. փորձագետ
Տեղական արտադրության պարենամթերքի գները կշարունակեն բարձրանալ...
Բանկային քարտով գնումների դեպքում թոշակառուների քարտին որոշակի տոկոս հետ կգա. Փաշինյան
Կառավարությունը նախատեսում է սոցիալական նշանակության նոր համակարգ ներդնել...
Ամենաշատ
Ֆոտոռեպորտաժներ