News
Լրահոս
News
Հինգշաբթի
Մայիս 19
USD
457.49
EUR
481.19
RUB
7.22
Տեսնել լրահոսը

ՀՀ բարձր տեխնոլոգիական արդյունաբերության նախարար Վահագն Խաչատուրյանն ընդունել է ՏՏ ոլորտում համաշխարհային ներդրման համար ՀՀ պետական մրցանակի դափնեկիր, «Սինոփսիս» ընկերության նախագահ և գլխավոր գործադիր համատնօրեն դր. Չի-Ֆուն Չանին։

ԲՏԱ նախարարությունից NEWS.am-ին հայտնում են, որ նախարարը ողջունել է անվանի գիտնականի այցը Հայաստան, շնորհակալություն հայտնել նախաձեռնության հեղինակներին այս կարևոր միջոցառումը Հայաստանում կազմակերպելու և անցկացնելու համար, նշել, որ Հայաստանի համար մեծ պատիվ է ընդունել տեխնոլոգիական ոլորտի հանրահայտ մարդկանց, որոնք իրենց ազդեցությունն են թողել աշխարհում տեխնոլոգիաների զարգացման գործում։ 

Վահագն Խաչատուրյանը Չի-Ֆուն Չանին ներկայացրել է ՀՀ տեխնոլոգիական ոլորտի զարգացումը՝ խորհրդային տարիներից մինչև ներկա ժամանակաշրջանը։ Նախարարը խոսել է Հայաստանի տնտեսության զարգացմանն ուղղված քաղաքականության, դրանում տեխնոլոգիաների կիրառման հնարավորությունների մասին, շեշտել, որ ՀՀ կառավարությունը ԲՏԱ նախարարության առջև խնդիր է դրել ջանքեր գործադրել Հայաստանում տեխնոլոգիաների վրա հիմնված տնտեսություն ձևավորելու, զարգացնելու և առաջ մղելու ուղղությամբ։ Վահագն Խաչատուրյանն անդրադարձել է նաև նախարարության կողմից իրականացվող տեխնոլոգիական ծրագրերին, նշել, որ նպատակային աշխատանքներ են իրականացվում, որպեսզի Հայաստանում այնպիսի միջավայր ստեղծվի, որտեղ բիզնեսով զբաղվելը, գիտելիքները կիրառելը շատ ավելի  նպաստավոր և շահեկան լինի։

«Երբ երկիրն ազատ է, երբ մարդիկ ազատ են մտածում, ազատ գործելու հնարավորություն ունեն, տնտեսության օրենքները թափանցիկ են, քաղաքական ճնշում չկա՝ մեծ է երկիրը զարգացնելու ներուժը։ Այսօր Հայաստանն այդ փոխակերպման փուլում է, և այդտեղ մեծ է բարձր տեխնոլոգիաների զարգացման հնարավորությունը»,-նշել է նախարարը։

Չի-Ֆուն Չանը խոսել է Հայաստանի մասին ունեցած իր տպավորություններից, նշել, որ  առաջին անգամ Հայաստան է եկել 17 տարի  առաջ:

«Շատերն ինձ հարցնում էին՝ ինչո՞ւ Հայաստան, որտե՞ղ է այն, և ես ստիպված բացում էի քարտեզը: Ես շատ բան չգիտեի Հայաստանի մասին. որոշ տեղեկություն ունեի, որ առաջին քրիստոնիա երկիրն է։ Շատ տպավորված էի երկրի պատմությամբ, բայց ինձ ամենից շատ տպավորեց այն հանգամանքը, որ մարդիկ գնահատում և արժևորում են կրթությունը և շատ ընտանիքակենտրոն են»:

Չինացի գիտնականը, նշել է, որ Հայաստանում ՏՏ ոլորտի շատ տաղանդներ կան, որոնց պետք է հնարավորություն տալ դրսևորվելու արտաքին շուկաներում, առավելագույնս օգտագործել իրենց գիտելիքն ու ներուժը։

Հանդիպման ընթացքում մտքեր են փոխանակվել երկու երկրների պատմության, տեխնոլոգիաների միջոցով տնտեսության զարգացման, փիլիսոփայության ու քաղաքականության, մարդկանց միջև փոխհարաբերությունների, մի շարք այլ թեմաների վերաբերյալ։ Վահագն Խաչատուրյանն ու Չի-Ֆուն Չանը համոզմունք են հայտնել, որ տեխնոլոգիաները չպետք է փոխարինեն մարդկային շփումներին, որ տեղեկատավական տեխնոլոգիաներն ուղղակի գործիք են, որոնք բարելավում են մարդկանց կյանքն ու կենսակերպը: 

!
Այս նյութը հասանելի է նաև   English
Տպել
Կարդացեք նաև
Ամբողջը
Արհեստական ինտելեկտը ռենտգենագրով որոշում է մարդու ռասան
Ենթադրություններից մեկն այն է, որ ԱԻ-ն ճանաչում է մարդկանց մաշկի մեջ մելանինի տարբերությունները, որոնք ի հայտն են գալիս ռենտգենագրերի վրա եւ տեսանելի չեն անզեն աչքով․․․
Պանաման բիովերամշակման գործարան կկառուցի՝ ցածր ածխածնային ռեակտիվ վառելիքի արտադրության համար
Այդ քայլը կապված է նրա հետ, որ ավիացիոն արդյունաբերությունը նպատակ ունի մինչեւ 2050 թ. ածխածնի զրոյական նպատակի հասնել...
Չինաստանը մի օր կգերազանցի ամերիկյան արտադրությունը. Մասկ
«Այն, ինչ մենք տեսնելու ենք Չինաստանի հետ կապված, դա տնտեսությունն է, որը կրկնակի մեծ է, գուցե երեք անգամ մեծ է Միացյալ Նահանգներից, եւ շատ տարօրինակ կլինի ապրել այդ աշխարհում»,-ասել է Մասկը:
Team Telecom Armenia-ն կրթական «օսկար»-ի՝ Koreez-ի տեխնոլոգիական գործընկեր
Koreez-ը առարկայական առցանց մրցույթ է, որին կարող են մասնակցել ՀՀ և ԱՀ բոլոր դպրոցների 5-12-րդ դասարանի աշակերտները՝ անկախ դպրոցում ունեցած...
Մասկը Twitter-ին մեղադրել է օգտատերերին «մանիպուլյացիայի ենթարկելու համար»
Միլիարդատեր, գործարար, Tesla ընկերության հիմնադիր Իլոն Մասկը Twitter սոցցանցի օգտատերերին նախազգուշացրել է, որ նրանց «մանիպուլյացիայի են ենթարկում» եւ խորհուրդ է տվել անջատել սոցցանցի լրահոսի ալգորիթմային գործառույթը:
Windows-ում ներկառուցված VPN են գտել
Գործառույթը թույլ կտա Edge-ի օգտատերերին ապահով կապ ունենալ հանրային ցանցերում աշխատելիս, որտեղ գաղտնիության պաշտպանություն չկա...
Ֆոտոռեպորտաժներ