News
Լրահոս
News
Չորեքշաբթի
Հունվար 19
USD
481.65
EUR
546.14
RUB
6.3
Տեսնել լրահոսը

Վարչապետ Նիկոլ Փաշինյանն ընդունել է ՄԱԿ-ի Գլխավոր քարտուղարի տեղակալ, Քաղաքակրթությունների դաշինքի Բարձր ներկայացուցիչ Միգել Անխել Մորատինոսին:

Վարչապետի աշխատակազմից NEWS.am-ին հայտնում են, որ վարչապետը նշել է, որ սա ՄԱԿ-ի քաղաքակրթությունների դաշինքի այսպիսի բարձր մակարդակով առաջին այցելությունն է Հայաստանի Հանրապետություն և հույս հայտնել, որ այս այցը կնպաստի երկկողմ համագործակցությանը, ինչպես նաև մեր տարածաշրջանի ժողովուրդների միջև երկխոսությանը:

Բարձր ներկայացուցիչ Մորատինոսը ներկայացրել է Քաղաքակրթությունների դաշինքի գործունեության հիմնական ուղղությունները և կարևորել Հայաստանի դերն ու մասնակցությունը դաշինքի աշխատանքներին։ Նա հավելել է, որ Քաղաքակրթությունների դաշինքն իր մանդատի շրջանակներում պատրաստ է նպաստել տարածաշրջանում հանդուրժողականության խթանմանը, միջկրոնական երկխոսությանը և կրոնական սրբավայրերի պաշտպանությանը։

Վարչապետ Փաշինյանը կարևորել է տարածաշրջանում երկխոսության ու հանդուրժողականության խթանմանը միտված քայլերը, միաժամանակ ընդգծելով միջազգային հանրության կողմից Ադրբեջանի ագրեսիվ գործողություններին համարժեք արձագանքի անհրաժեշտությունը:

Կառավարության ղեկավարը պարոն Մորատինոսի ուշադրությունն է հրավիրել Արցախի դեմ ագրեսիայի հետևանքով ադրբեջանական վերահսկողության տակ անցած տարածքներում հայկական պատմամշակութային և կրոնական ժառանգության ոչնչացման ու խեղաթյուրման փաստերի, այդ թվում՝ Շուշիի Սուրբ Ղազանչեցոց եկեղեցու և Դադիվանքի վանական համալիրի նկատմամբ ադրբեջանական կողմի գործողությունների վրա:

Վարչապետը կարևորել է  ՅՈՒՆԵՍԿՕ-ի փաստահավաք առաքելության մուտքը Լեռնային Ղարաբաղ ու հարակից շրջաններ՝ ընդգծելով այս հարցում ևս Ադրբեջանի ապակառուցողական գործելաոճը: Նիկոլ Փաշինյանն առանձնակի կարևորել է նաև Արցախում ՄԱԿ-ի փախստականների հարցերով գերագույն հանձնակատարի գրասենյակի մարդասիրական առաքելության գործունեության անհրաժեշտությունը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Մերկելը հրաժարվել է աշխատել ՄԱԿ-ի կառույցներից մեկում
Ավելի վաղ գերմանական լրատվամիջոցները հայտնել են Գուտերիշի առաջարկի մասին․․․
DPA. Գուտերեշը Մերկելին աշխատանք է առաջարկել ՄԱԿ-ում
Գերմանիայի նախկին կանցլերը դեռ պատասխան չի տվել...
Թուրքիայում մահացած են գտել ՄԱԿ-ի համակարգող անդամին
Թերթի տեղեկություններով՝ երեք մարդ Գազիանթեփից եկել են Կայսերի՝ դահուկ քշելու եւ Հիսարջիկ Կապի հովտում հայտնվել են ձնահյուսի տակ․․․
Գուտերիշ. աշխարհը հեռու է Երկրի բնակչությանը պատվաստելու նպատակից
«Օմիկրոնը ցավալի հիշեցում է, որ ցանկացած վայրում տարածման դադարեցումը պետք է լինի օրակարգում․․․
ՄԱԿ-ը համաշխարհային տնտեսական աճի դանդաղում է կանխատեսում 2022 եւ 2023 թվականների համար
Աշխարհը COVID-19 վարակի նոր ալիքների, աշխատաշուկայի շարունակական մարտահրավերների, մատակարարման շղթայի հետ կապված խնդիրների եւ աճող գնաճային ճնշումների է բախվում...
ՊՀԾ. Աֆղանստանը «սովի ցունամիի» է բախվել ֆինանսական միջոցների սղության պատճառով
8.7 միլիոնը գտնվում է սովամահության եզրին...