News
Լրահոս
News
Երկուշաբթի
Նոյեմբեր 29
Տեսնել լրահոսը

Ազնիվ եւ կառուցողական փոխգործակցությունը Եվրոպայի եւ Ասիայի միջեւ կարեւոր է առավել քան երբեւէ աճող համաշխարհային անկայունության պայմաններում: Նման կարծիք է հայտնել ՌԴ վարչապետ Միխայիլ Միշուստինը ASEM (Ասիա-Եվրոպա ֆորում) տասներեքերորդ գագաթնաժողովի մասնակիցներին ուղղված տեսաուղերձում, հայտնում է ՏԱՍՍ-ը։

«Համաշխարհային հարաբերություններում աճող անկայունության համատեքստում Եվրոպայի եւ Ասիայի միջեւ ազնիվ եւ կառուցողական փոխգործակցությունն պահանջված է առավել քան երբեւէ, - ասել է նա:- Մեր ընդհանուր շահերից է բխում, որպեսզի աշխարհն արագ անցնի ներդաշնակ, հավասարակշռված զարգացման»:

Դրա համար, շարունակել է ՌԴ Նախարարների կաբինետի ղեկավարը, անհրաժեշտ է պրագմատիկ համագործակցություն կառուցել՝ հիմնված միջազգային իրավունքի նորմերի պահպանման, ՄԱԿ-ի՝ որպես միջպետական ​​հարաբերությունների ունիվերսալ կարգավորողի դերի ճանաչման վրա։ «Այս առումով մենք անհրաժեշտ ենք համարում, որպեսզի կազմակերպությունը կազմող բոլոր պետությունները միասին աշխատեն»,- հավելել է Միշուստինը։

Ռուսաստանի Դաշնության վարչապետի խոսքով՝ Եվրասիան ի վիճակի է արդյունավետ փոխգործակցության օրինակ դառնալ կոորդինատների նման համակարգում։ Հենց դրա վրա է հիմնված Ռուսաստանի նախագահ Վլադիմիր Պուտինի՝ Մեծ Եվրասիական գործընկերության ստեղծման նախաձեռնությունը, ասել է նա։ «Եվ փոխգործակցությունն այնպիսի արդյունավետ ասոցիացիաների հարթակներում, ինչպիսիք են ԵԱՏՄ-ն, Շանհայի համագործակցության կազմակերպությունը, Հարավարեւելյան Ասիայի պետությունների ասոցիացիան, կօգնի ձեւավորել ապագա ընդհանուր Եվրասիական տնտեսական տարածքի հիմքը»,- համոզված է ՌԴ կառավարության նախագահը։

Միեւնույն ժամանակ, ինչպես նշել է Միշուստինը, կարեւոր է հաշվի առնել ՄԱԿ-ի մասնագիտացված կառույցների փորձը, որոնք «ակտիվորեն աշխատում են Մեծ Եվրասիայի անխափան տնտեսական, տրանսպորտային եւ լոգիստիկ տարածքի ստեղծման ուղղությամբ»։ «Համոզված եմ, որ Ասիա-Եվրոպա ֆորումը կկարողանա լրացուցիչ խթան հաղորդել մայրցամաքի ինտեգրացիոն գործընթացներին եւ ամրապնդել գործնական փոխգործակցությունը՝ Լիսաբոնից մինչեւ Կանբերա եւ Վելինգթոն»,- հավելել է նա:

Ռուսաստանի վարչապետը կարծում է, որ ASEM-ի ներուժը պետք է օգտագործվի փոխկապակցվածության այնպիսի ոլորտների զարգացման համար, ինչպիսիք են տրանսպորտը, շինարարությունը, հեռավոր շրջանների արդիականացումը, թվայնացումը, կրթությունը, զբոսաշրջությունը: «Այս կիրառական խնդիրները ներառված են այսօրվա հանդիպման օրակարգում»,- ամփոփել է նա։

!
Այս նյութը հասանելի է նաև   Русский
Տպել