Թուրքիայում շարունակվում են երկրի նախագահ Ռեջեփ Էրդողանի հրաժարականի պահանջով բողոքի ակցիաները՝ լիրայի փոխարժեքի անկման եւ դրա հետեւանքով տնտեսական դժվարությունների ֆոնին։
Նախօրեին ցույց են անցկացվել Թուրքիայի մի շարք քաղաքներում, հատկապես՝ Ստամբուլում։ Մասնակիցները վանկարկում են՝ «Մենք չենք կարողանում վաստակել ապրելու համար» եւ «Կառավարություն, հրաժարական տուր», հաղորդում է Bianet-ը։
Արտարժույթի նկատմամբ թուրքական լիրայի արժեզրկումը ռեկորդային ցուցանիշի է հասել նոյեմբերի 23-ին, երբ ԱՄՆ դոլարի փոխարժեքն ամբողջ օրվա ընթացքում կազմել է 13,48։
Բողոքի ցույցերը շարունակվել են մեկ օր անց՝ նոյեմբերի 24-ին, Ստամբուլում, Ադանայում, Բուրսայում, Անթալիայում, Մերսինում, Դիարբեքիրում, Հաթայում, Էդիրնեում, Էսքիշեհիրում, Դենիզլիում եւ Սամսունում։
Մերսինում ոստիկանությունը ճնշել է բողոքի ակցիաները։ Ոստիկանները հարձակվել են մասնակիցների վրա Չանաքալեի Մյումթազ Փիրինչիլեր հրապարակում։ Նախնական տվյալներով՝ Չանաքալեում ձերբակալվել է 13 մարդ։
İSTANBUL | Kadıköy'de bir kadın eylemciye onlarca polisin saldırıp gözaltına altığı görüntüler!
— Özgür Gelecek (@ozgur__gelecek) November 24, 2021
Polis, Kadıköy'ün her sokağında işkenceyle gözaltı yapıyor#BATTIK #hükümetistifa #AKPistifa pic.twitter.com/BpViqhx2JI
Մայրաքաղաք Անկարայում Բիլքենթի համալսարանի ուսանողները բողոքի ցույց են անցկացրել «Արդարություն եւ զարգացում» կուսակցության դեմ՝ հայտարարելով. «Երիտասարդներն ապստամբում են եւ դիմադրում ԱԶԿ-ին»։
Անկարայի մերձավորարեւելյան տեխնիկական համալսարանի (METU) ուսանողները նույնպես բողոքել են Թուրքիայում տնտեսական ճգնաժամի եւ կոռուպցիայի դեմ. «Մենք մեր երկիրը չենք թողնի սպեկուլյանտներին, ավազակներին, գողերին»։
Սամսունի աշխատանքային եւ դեմոկրատական ուժերի կոչով բողոքի ակցիա է անցկացվել «Կառավարություն, հրաժարական տվեք» կարգախոսով։
Police officers detain a young man during a protest against the economic crisis and high cost of living in Istanbul, on November 24, 2021. Bulent Kilic / AFP pic.twitter.com/obTtTjT8jU
— Bulent KILIC (@Kilicbil) November 24, 2021
Associated Press-ը հաղորդել է, որ թուրքական հատուկ ջոկատայինները չորեքշաբթի ցրել են Ստամբուլում բողոքի ցույցերը։ Բերման են ենթարկվել տասնյակ ցուցարարներ։ Ցուցարարները պահանջել են Էրդողանի կառավարության հրաժարականը։
Ոստիկանները վահաններ են օգտագործել ամբոխը ցրելու համար եւ բերման ենթարկել ցուցարարներից մի քանիսին։
