Ուղղակի հասկանալի չէ, թե ինչու ՀՀ առողջապահության նախարար Անահիտ Ավանեսյանը ներկա չէր Սահմանադրական դատարանի նիստին։ Այս մասին այսօր՝ նոյեմբերի 25-ին, ՍԴ-ում լրագրողների հետ զրույցում ասաց ՀՀ առողջապահության նախարարի՝ պարտադիր պատվաստումների եւ թեստավորումների հրամանի սահմանադրականության սահմանադրականության հարցով դիմող, «Հայաստան» խմբակցության պատգամավոր Արամ Վարդեւանյանը։
«Նույնիսկ եթե մասնագիտությամբ իրավաբան չլիներ, պարտավոր ներկա գտնվել այս նիստին։ Խոսքը գնում է ՀՀ բարձրագույն մարմնի առջեւ հաշվետու լինելու մասին։ 2013 թվականին երբ որպես Մարդու իրավունքների պաշտպանի ներկայացուցիչ դիմում էինք ներկայացրել ՍԴ, որ կան կրթական հաստատություններ, որտեղ այդ անվճար հաստիքը ուսանողների համար ուղղակի բացակայում էր. այսինքն՝ մրցույթի հնարավորություն էլ չկար, այդ ժամանակ Կրթության նախարար Արմեն Աշոտյանը, որը ներկայացել էր ՍԴ նիստին։ Ինձ համար ուղղակի հասկանալի չէ։ Այսօր այլ տեղ քան լինել ՍԴ-ում, երբ հենց իր ընդունած ակտն է վիճարկվում»,- նշեց նա։
Դիտարկմանը, որ Ավանեսյանը կառավարության նիստին է ներկա, Վարդեւանյանն արձագանքեց՝ նշելով, որ կառավարության նիստերին հաճախ փոխնախարարներն են ներկա, իսկ այսօր այլ տեղ, քան՝ ՍԴ-ն է, նախարարը լինել չէր կարող, ընդ որում, երբ իր ընդունած ակտն է վիճարկվում։
