Չեխիայի նախագահ Միլոշ Զեմանին դուրս են գրել զինվորական հոսպիտալից այն բանից հետո, երբ նրա առողջական վիճակը կայունացել է, հաղորդում է AP-ը։
77-ամյա Զեմանին կլինիկա էին տեղափոխել հոկտեմբերի 10-ին խորհրդարանի ստորին պալատում ընտրությունների հաջորդ օրը։ Նա բուժում էր ստանում ինտենսիվ թերապիայի բաժանմունքում։
Որպես նախագահ Զեմանի դերը կարեւոր է նոր կառավարության ձեւավորման հարցում։ Ուրբաթ օրը նա պետք է անցկացնի ընտրություններում հաղթանակ տարած, երկրի նոր վարչապետ Պետր Ֆիալայի երդմնակալության արարողությունը։