Խորհրդային ժամանակների քարտեզները սահմանում են Հայաստանի եւ Ադրբեջանի միջեւ ճշգրիտ սահմանները: Դուք կարող եք վստահորեն բանակցել այդ քարտեզների հիման վրա: Այս մասին նոյեմբերի 25-ին հայտարարել է Դաշնության խորհրդի նախագահ Վալենտինա Մատվիենկոն Սանկտ Պետերբուրգում ԱՊՀ ՄԽՎ-ում Ադրբեջանի խորհրդարանի խոսնակ Սահիբա Գաֆարովայի հետ երկկողմ հանդիպման ժամանակ։
«Ռուսաստանն օգնություն է առաջարկել՝ հաշվի առնելով, որ խորհրդային շրջանի քարտեզները միայն մեր ՊՆ-ում են պահվում։ Դրանք ճշգրտված են, ճշգրիտ եւ սահմանում են Հայաստանի եւ Ադրբեջանի միջեւ ճշգրիտ սահմանները: Այդ քարտեզների հիման վրա կարելի է վստահորեն բանակցություններ վարել, եւ Հայաստանն ու Ադրբեջանը կողմ են այս մոտեցմանը <...> կա ըմբռնում եւ համաձայնություն, բայց գործընթացը դանդաղ է ընթանում։ Դրա պատճառով որոշակի լարվածություն շարունակվում է»,- նշել է Մատվիենկոն։
«Լեռնային Ղարաբաղի տարածաշրջանում ռազմական գործողությունների դադարեցման մասին համաձայնագրի ստորագրումից ուղիղ մեկ տարի է անցել։ Երեք պետությունների (Ադրբեջան, Հայաստան և Ռուսաստան) ղեկավարները խելամտություն ունեցան ստորագրելու փաստաթուղթը, որպեսզի դադարեցնեն արյունահեղությունը եւ խաղաղ երկխոսության անցնեն։ Բայց բանակցային գործընթացը դանդաղ է ընթանում, ինչի պատճառով տարածաշրջանում լարվածություն է պահպանվում»,- ասել է նա։
Մատվիենկոն հիշեցրել է, որ մեկ տարի առաջ Ռուսաստանն իր խաղաղապահներին բերեց Լեռնային Ղարաբաղ՝ խաղաղ կյանք հաստատելու, փախստականների վերադարձը հեշտացնելու եւ համաձայնագրի կողմերի միջեւ վստահությունը վերականգնելու համար։ Այսօր, ըստ ՌԴ խորհրդարանի վերին պալատի խոսնակի, հիմնական խնդիրը սահմանի սահմանազատումն է այնպես, որ ոչ ոք ռազմական գործողությունները վերսկսելու ցանկություն չունենա։
Նա ընդգծել է, որ Ռուսաստանի Դաշնությունը շահագրգռված է «խաղաղ, կայուն Անդրկովկասով եի մարդկանց խաղաղ կյանքով» եւ դրա համար կանի անհրաժեշտ ամեն ինչ։
Գաֆարովան վստահեցրել է, որ Ադրբեջանը նույնպես միտված է «խաղաղությանն ու կայունությանը» Լեռնային Ղարաբաղում, առանց որի անհնար է խոսել ողջ Հարավային Կովկասի խաղաղ ու կայուն գոյության մասին։
Մատվիենկոն նշել է, որ Ռուսաստանի եւ Ադրբեջանի միջեւ համագործակցությունն աստիճանաբար զարգանում է, ինչը համապատասխանում է երկու երկրների ժողովուրդների շահերին. «Համագործակցությանը տոն են հաղորդում երկու երկրների նախագահներ Վլադիմիր Պուտինի եւ Իլհամ Ալիեւի ինտենսիվ անձնական շփումները»:
