News
Լրահոս
News
Շաբաթ
Հունվար 29
USD
482.57
EUR
540.24
RUB
6.13
Տեսնել լրահոսը

Շատ երկրների իշխանություններ մտադիր են էլեկտրաթիռներ օգտագործել` զբոսաշրջիկների ուշադրությունը գրավելու համար։ Չինաստանը, Սինգապուրը, Ճապոնիան, Արաբական Միացյալ Էմիրությունները, Հարավային Կորեան եւ այժմ Ֆրանսիան պատրաստվում են այդ մեքենաներով ավիափոխադրումների իրականացումը զուգադիպեցնել տարբեր սպորտային եւ տնտեսական իրադարձությունների հետ: Փարիզում 2024 թվականի Օլիմպիական խաղերի հյուրերը կկարողանան օդով տեղաշարժվել Ֆրանսիայի մայրաքաղաքի երկու օդանավակայանների միջեւ։ Այս մասին գրում է 3dnews.ru-ն՝ վկայակոչելով Bloomberg-ը։

Bloomberg-ի փոխանցմամբ՝ ֆրանսիական իշխանություններն այժմ աշխատում են երկու օդային երթուղիների կազմակերպման հարցով՝ Փարիզի արվարձանների երկու օդանավակայանների, ինչպես նաեւ  Ֆրանսիայի մայրաքաղաքից դուրս գտնվող երկու այլ տարածքների միջեւ զբոսաշրջիկներին տեղափոխելու համար։ Ամենայն հավանականությամբ, հեռավորությունը, որով ինքնաթիռը կտեղափոխի ուղեւորներին, կչափվի մի քանի տասնյակ կիլոմետրերով:

Նախագծում արդեն ներգրավվել են Volocopter-ը, Airbus-ը, Vertical Aerospace Group-ը, Lilium-ը եւ Joby Aviation-ը: Ֆրանսիայի իշխանությունները Փարիզի արվարձաններում հատուկ փորձադաշտ են տրամադրել, որը կօգտագործվի 2024 թվականին թռիչքների համար հարմար մեքենաների ընտրության համար։ Փորձարկողները կկենտրոնանան ինքնաթիռների աղմուկի եւ թրթռումների չափումների, քարշող մարտկոցների պահպանման եւ լիցքավորման վրա, ինչպես նաեւ ֆրանսիական օդանավակայանների կողմից օգտագործվող թռիչքների` անվտանգության գործող համակարգին ինտեգրման վրա:

Ճապոնիայում արդեն 2025 թվականին նախատեսվում է կոմերցիոն օդային ուղեւորափոխադրումներ գործարկել։ Եվրոպական կարգավորիչները խոստացել են համապատասխան օրենսդրական դաշտը նախապատրաստել հենց մինչեւ 2024 թվականը, երբ Փարիզում կսկսեն գործել թռչող տաքսիները։ Հարավային Կորեայի խոշոր քաղաքներում նման մեքենաները կսկսեն գործել 2025 թվականին։ Առաջիկա հինգ տարիներին Hyundai Motor-ն ակնկալում է ոչ միայն էլեկտրաթիռների արտադրություն սկսել, այլեւ այս բիզնեսը դարձնել իր եկամտի հիմնական աղբյուրներից մեկը։ Կորեական ընկերության պլանի համաձայն՝ ժամանակի ընթացքում ինքնաթիռները կգործեն առանց օդաչուի՝ դրանով իսկ մեծացնելով իրենց բեռնվածությունը։

 

 

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
iPhone-ը սկսել է ճանաչել դիմակ կրող մարդկանց
iOS 15.4 բետա տարբերակում հայտնվել է դիմակ կրելիս դեմքով սմարթֆոնն արգելաբացելու հնարավորություն...
Google-ը 1 մլրդ դոլար կներդնի Հնդկաստանի թվայնացման համար
Ներդրումները կօգնեն հնդկական փոքր ձեռնարկություններին՝ ներդնել թվային մեխանիզմներ...
Իլոն Մասկը գործարանների աշխատողներին կփոխարինի ռոբոտներով
Նրա խոսքով՝ Optimus ռոբոտների արտադրությունն ապագայում կարող է ավելի նշանակալից դառնալ Tesla-ի համար, քան ավտոմոբիլային բիզնեսը․․․
Bloomberg. Apple-ը թույլ կտա iPhone-ը վերածել վճարային տերմինալի
Apple-ը նախատեսում է iPhone-ում ներդնել վճարային տերմինալ...
Meta Platforms Inc.-ը ազդարարել է արհեստական ինտելեկտով ամենաարագ գերհամակարգչի մասին
Կստեղծվեն արհեստական ինտելեկտի նոր եւ ավելի կատարյալ մոդելներ...
Իսրայելի բանակի նախկին գնդապետը դեմքի ճանաչման տեխնոլոգիայով եւ մարմնի վրա ամրացվող տեսախցիկներ է մշակում
Տիրզան ասում է, որ իր Yozmot Ltd ընկերությունը ցանկանում է արտադրել մարմնի վրա ամրացվող տեսախցիկ, որը թույլ կտա ոստիկաններին սքանավորել ամբոխին եւ իրական ժամանակում գտնել կասկածյալներին․․․
Ամենաշատ
Ֆոտոռեպորտաժներ